Monday, November 21, 2016

Adios Maestro!!

මං අමරදේව මාස්ටර්ගේ සිංදු අහන්න පටන් ගත්ත හැටි, ඒකේ ආරම්භය කොහොමද කියල කල්පනා කරන්න ගත්තා. ඔය කාලේ ඒ කියන්නේ මම ඉස්කෝලේ යන කාලේ අපේ සමාජයේ තිබුනෙ ටෝප් තව්සන්ඩ්, බ්‍රේක් ඩාන්ස්, රොක් ඇන්ඩ් රෝල් ඔව්වා මෙව්වා නිසා අමරදේව මාස්ටර් සිංදු කියනව අහන එකත් නිකම්ම හිටගෙන නින්ද යන කාරණයක්.. මට මතකයි “අපෝ ඔය නිදිමතයන්ගේ සිංදු අහන්න බෑ නිකම්ම නින්ද යනවා“ කියල කියපු අවස්ථා හිටං තිබුනා. කොහොම උනත් ද්විතියික පුර්ෂ ලක්ෂණ (පුර්ව ළමා විය පහු කරාට පස්සේ (??)) පහල වෙන්ට වෙන්ට කොල්ලා සංවේදි වෙන්ට ගත්තා. බොහොම සද්දෙට අහපු ජැක්සන්ලගේ, ටිෆනිලගේ සිංදු වලින් ගොඩ යන්න බැරි තරමට ජීවිතේ අමාරු වෙන්න ගත්තා. එහෙම කියල අපි අතෑරියේ නැහැ. අපි ජේසන් ඩොනවන් අයියගේ Sealed with a Kiss එක්ක හරි ගොඩ යන්න හැදුවා. ඒත් බැරි නං ජෝජි මයිකල් අයියගේ කෙයාලස් විස්පර්, ලාස්ට් ක්‍රිස්මස් ඒ වගේ තව ඕන තරං සිංදු තිබුන ඔය නිදිමතයන්ගේ සිංදු අතාරැල අපේ ගමන යන්න නං.

ඒත් මොකක් හරි හේතුවකට කරුමෙකටද මන්දා සේකරගේ සක්වාලිහිණි කවි පොත ඉස්කෝලේ පුස්තකාලෙන් අරගෙන ඈනුං ඇරල කියවන්න ගත්තට පස්සේ නිකම්ම නින්ද යන්න ගත්තා. ඇත්තටම ඔය කවි දාන හරිම මලදාන.. කවදාවත් හරියට කියවන්නත් බෑ. කියවල ඒ හාදයා කියන දේ තේරුං ගන්නත් බෑ. අන්තිමට අපි තේරුං ගත්ත එක මේකයි කිව්වම ඒකට ලකුණූ බිංදුවයි. ඔන්න ඔහොමයි කවි. ඒත් මේ සක්වාලිහිණි පොත කියවං යද්දි හරි අමුතු විදියට එක එක කවි එක එක විදියට පයට ගැට ගහල වගේ හැගීමක් ආවා. අන්න ඒකත් එක්ක කවි යුරේකා.. විරේකා නෙමෙයි වෙන්න ගත්තා. ඒකෙන් මේකෙන් මහගම සේකර කියන හාදයා තවත් කවි පොත් ලියල තියෙයි කියල ඒකෙන්ම හොයාගෙන් ඒවත් හොයාගන්න මහන්සි උනා. ඔය විදියට මහගම සේකර ලියපු කවි පොත් කිහිපය උඩින් පල්ලෙන් කියවද්දි තමා “ප්‍රබුද්ධ“ හමු උනේ. ඒ කවි පොත හරියට පාර පෙන්නන යාළුවෙක් වගේ ළගින්ම ඉන්න කොට මේ කවි මිහිර හිතට දැනුනා. ඔහේලට කියන්න මාත් ඔය සේකරගේ කවි එහෙම කියවල ඒ කාලේ කවි පොත් ලිව්ව කියල මතක ඇති නේද? ඔව් ඉතිං දුකයි තමා සමාර කවි පොත් අනං මනං පුච්චල දාන්නත් උනා. ඒකට වග කියන්න ඕන අර ඩුඩ්.. මොකද මිනිහත් ඒවා පුච්චපු විත්තියක් මට ලාවට වගේ මතකයි.  ඉතිං ඔය කවි ලියපු පොත් වල අන්තිමම අන්තිම පොත, ඒක පිටු අසුවක කොටුරූල් පොතක් විතරක් යන්තං ඉතිරි වෙලා තාමත් ඔපිසියේ ලාච්චුවක වැඩ ඉන්නවා. මං අරගෙන බැලුවා ඒකේ මුලින්ම මොකක්ද ලියල තියෙන්නේ කියලා.. අහන්නත් දෙයක්යැ.. ඔන්න බලන්න පින්තුරේ.


ඔය විදියට සේකරගෙන් මගේ ජීවිතේට ලොකු බලපැමක් ඇති උනා. ජීවිතේට ඇහැ අැරල නොබලන සමහර දේවල් දිහා ආයාසයකින් තොරව ඇස් ඇරල බලන්න පුලුවන් කම ලැබුනා. ඔන්න ඔය විදියට තමා සේකර නින්ද යන සිංදු හෙමත් ලියල තියෙනවා කියල දැනගත්තේ.. අනේ මන්දා ඊට පස්සේ නං ඔව්වට නින්ද යන සිංදු කියල කියන්නේ නෑමයි කියල හිතාගත්තා. අන්න එදා ඉදල මාත් අමරදේව මාස්ටර්ගේ නින්ද නොයන සිංදු අහන්න ගත්තා.

එකිනෙකට වෙනස් වූ අමරදේවගේ මෙලඩි නිසාත් ඒ කටහඩ නිසාත්, ඒ කටහඩ විරහවට අපුරුවට ගැලපෙන විරහී හඩක් කියල කියන්න පුළුවන්. අර මාගල් රවි උන්නැහැ කිව්ව වගේ මින්දද හී සර සිංදුවට මාත් බෝම මනාපයි. බීපු දවසට එක පාරට දෙපාරක් කියන සිංදුවක් ඒක... මං හිතන්නේ ඒක විතරයි මට කියන්න පුළුවන් එකම සිංදුව. ඒ උනාට විරහ දුක විදින කොට අමරදේව මාස්ටර්ගේ සිංදු වලින් හිතට කටු අනින්න ගන්න සිංදුව මෙන්න මේක. 

පෙම් රළ පතරින්.. 
නිබඳව නැහැවෙන.. 
මිනිස් හඩින් තොර පාලු දිවයිනේ... 
මා තනිකරදා පාවෙන ඔබගේ 
ජීවන නෞකා නොබිදේවා

“මා තනිකරදා පාවෙන ඔබගේ ජීවන නෞකා නොබිදේවා“ ඕකේ තේරුම හරියට ආවද දන්නෑ උනත් ට්‍රයි කරපු ක්‍රෂ් වෙන කොල්ලන් එක්ක යාළු වෙලා ඉන්නව දකින කොට ගෙදරට වෙලා හූල්ල හූල්ල ඔය කෑල්ල ඇහුවත් හිතට සැපයි.. නැද්ද මං අහන්නේ.

ඒ වගේම තව ලස්සන සිංදුවක් තමා පිපුන කුසුම පරවූවා.. බබර කිකිණි ගොළු උනා

ඔය අතරේ මට ඒ දවස් වල සංගීත පිස්සුවකුත් තිබුනා. මාස්ටර් මැන්ඩලින් ගහනවා වගේ ගෙදර වයලීන් ගහල ඒක පුරුදු උනා වගේ මාත් වයලීන් ගහන්න පුරුදු උනා. ඒත් මට ඒක හරියන්නෑ. මං දක්ෂ නෑනේ. ඉතිං මම ඕර්ගන් එකට මාරු උනා. ඒක කියල පහසුවක්යැ. ඒ්ත් මාස්ටර්ගේ සඳ හොරෙන් හොරෙන් බලා වළාකුලක සැගවිලා අපේ මියුරු පෙම් කතා අසා සිටිනවා සිංදුවේ ටට ටට ටා ටට ටට ටා කියල ඉන්ටෝ කෑල්ලක් තියෙනවා. අන්න ඒකනං මරුවට මට ඔර්ගන් එකෙන් ගහන්න පුලුවන්.  CC DD C CC DD C.. බැරි අය මගෙන් ඉගෙන ගන ඕක ගහල බලන්න.. පර්ෆෙක්ට් ආ..

මං කටුබැද්දේ අවුරුදු ගානක් තෙපර බාන වෙලාවේ ඔය පැත්තෙ කම්පීටර් සර් කෙනෙක් අල්ලගෙන කම්පීතර කරුණු ටිකක් ඉගෙන කියාගත්තා. එයා ඉතිං ටික කාලයක් යද්දි මගේ හොද ප්‍රෙන්ඩ් කෙනෙකුත් උනා. මිනිහගේ ගෙවලුත් කොරළවැල්ලේ.. නෑ ඇල්බට් නෙමෙයි වෙන නමක් තිබුනේ. කොහොම හරි මේ හාදයා මාව ගෝල්පේස් කෝට් වල තිබුන කම්පීතර ක්ලාස් එකක සී+ කරන්න ක්ලාස් එකකට දැම්මා. පොරත් යනවා මාත් එක්ක. අපි යන්නෙත් කෝචිචියේ. ගිහිල්ලා එන ගමන් ගල්කිස්සට වෙලා ටික වෙලාවක් ඉන්නවා කෝචිචිය මාරු වෙන්න. අන්න ඒ අතරෙදි මිනිහා අනිවා කියන සිංදුවක් තියේ. ඒක තමා

කරදර පොදි බැද
ගැලපිට පටවා
කරුමයේ කරගොනු
පෙරටුව අරගෙන
මේ ජිවන මග අපි යනවා

ඔය සින්දුවත් ජාතික ගීය තරමටම හිතට වැදුන එකක්. 

කොාහොම උනත් මාස්ටර් මේ කාලේ ඇතුලත අපිට හිතට කරදර ආපු වෙලාවට ඒ කරදර වැඩි කරන්න දීපු සහයෝගය අමතක කරන්න පුළුවන්ද? ඔය ඔකකෝමටත් හරි යන්න. මෙන්න අමරදේවගේ මං වැඩියෙන්ම අහපු සිංදුව.. ජනප්‍රිය නැති උනත්.. ඔබේ දැසයි ඔබේ දැසයි පැටලිලි සහගතයි මට.

සුභ ගමන් මාස්ටර්.. තැන්ක්ස් ෆෝ බීයින් විත් අස්..


Friday, September 30, 2016

මිලියන දෙකයි තව චුට්ටයි.. මරණෙ ළගයි..!! (Don't be fools of fools)

දැන්වීමයි - මෙය උපුටා ගැනීමකි..

Renault Kwid සහ ලංකාවේ අපි.
අත්තිකාරම් මුදල්ද රැගෙන Renault Kwid රථයක් මිලදී ගැනීමට AMW වෙත ගියෙමි. සුන්දර ගංගාරාමය අසල කාර්යබහුල ප්‍රදර්ශනාගාරය දේශීය මධ්‍යම පාන්තිකයන්ගෙන් පිරි ගොස් තිබු අතර බහුතරයක් නව රථය පිලිබඳ අමුතු උනන්දුවකින් කටයුතු කරන අතර සිනහවෙන් මුව සරසාගත් අලවි සහායකයන් රථය පිලිබඳ මහා විග්‍රහයක් කරනු දිටිමි. හුරුබුහුටි නිමාවකින් යුතු Renault Kwid දෙස මහත් ආශාවකින් බලා සිටින බහුතරයක් අතර මාද පුරුදු නිරික්ෂනයන්හි යෙදුනෙමි. 
මේ මා විසින් දකින අසන ලද නිරීක්ෂණයන් වන අතර මෙහි සඳහන් සියල්ල මාගේ නිරීක්ෂණයන් මත පදනම් වන බව දක්වමි. Renault Kwid විවිධ මාදිලියෙන් නිපදවන අතර මෙහිදී සඳහන් කරනුයේ AMW ආයතනය විසින් ලංකාවට හඳුවදෙන රථය පිලිබඳවය.

SUV ආකාරයේ හුරුබුහුටි නිමාවක් සහිත Renault Kwid රථය දකින සියල්ලන්ගේ සිත් වාසග කරගන්නකි. ඉදිරිපස පෙනුම රථයට ආකර්ශනයක් ඇතිකරන සුළුය. සිත්ගත් වර්ණ කිහිපයකින් යුතු රථය එම මිලට ඇති සියලු ඉන්දීය රථයන්හි පෙනුම අභිබවායන පරිදි නිමවා ඇත. බාහිර පෙනුම ඔප්නංවන තවත් අමතර උපාංගයන්ද සහිතය.
රථයෙහි ඇතුලත නිමාව එතරම් මටසිලුටු නොවුනද වැඩිඉඩක් දුටිමි. ඉදිරිපස මෙන්ම පසුපසද මගින් සඳහා ප්‍රමාණවත් ඉඩ පහසුකම් ඇතිබව අගයකළ යුතුය.
මෙතරම් අනගි (මුදලට සරිලන පරිදි) නිමාවකින් යුතු රථය තාක්ෂණික සහ පහසුකම් අතින් ඉතා පහල මට්ටමක ඇති බව මා මොහොතකටවත් නොසිතුවෙමි. පළමුව මෙහි ඇන තුනකින් සවිකළ wheels සිතට දුකක් ඇතිකළද එම ආකාරයේ එකම රථය මෙය නොවන බව සිතා Alloy wheels සවිකිරීම සිහිනයක් වුවද හිත හදාගත්හෙමි.
කිසිදු මටසිලුටු බවකින් තොරව රථය ඇතුලට ගොස් දොර වසාගතිමි. Power shutters ඇතිහෙයින් එය සොයාගිය මාහට අලවි සහායකයකු පැවසුවේ එය රථය මැදින් Dash Board එකට පහළින් ඇති බවය. Power Mirrors තබා අතින් සකසියහැකි ලිවරයක්වත් නැත. Mirror adjustment කිරීම Shutters පහත් කර දුක සේ කළයුතුය. සතුට ටිකින් ටිකින් අඩුවන අන්දම මා අත්වින්දෙමි. ආසනයන්හි කිසිදු සුවපහසු බවක් දක්නටවත් නැත. නමුදු Music Player යන්ත්‍රය රථය ඉදිරියේ අභිමානවත් ලෙස සිටිනු දුටිමි. පසුපස ඉඩ පහසුකම් තිබුනද ආසන වල සුවපහසුවක් නොදුටිමි.
පුරුද්දකට මෙන් එන්ජිම නිරීක්ෂණය කළෙමි. සිත දුකින් පිරීයයි. 800cc එන්ජිම ඉන්දියානු ගති ලක්ෂණවලින් පිරි ඇත. ගමේ බාස් මාමා මීට දහස් ගුණයක් මටසිලුටු ලෙස පෑස්සුම් කරනු මා දැක ඇත. දුක පිරි නෙතින් යුතුව බොනට්ටුව වැසුවෙමි.
ලැජ්ජාව පසක තබා බිම වැතිරගන රථය යට නිරීක්ෂණය කළෙමි. අහෝ ඛේදයකි. රථය පහළින්ම plastic oil sump එක දුටිමි. Renault Kwid අලවියට වැඩියෙන් oil sump අලවියෙන් Renault ආයතනයට මුදල් සෙවිය හැකිවනු ඇත. එතරම් පහසුවෙන් හානිවියහැකි ආකාරකින් එය නිපදවා ඇත. එය විවේචනය කිරීමට ගොස් අලවි නිලධාරියෙකුන් පහර නොකෑවේ පුරුවේ පිනකටය. 
කෝකටත් කියා ඉදිරිපස මෙන්ම පසුපසද suspension නිරීක්ෂණය කළෙමි. පිටුපස coil spring එක ඉතා දුර්වල ලෙස සවිකර ඇතිබව දුටිමි. එක පාරිභෝගික මහතකු පැවසුවේ දැනටමත් coil spring ගැලවී ඇති රථ පිලිබන්දව ඔහු අසා ඇති බවය.

අලවි නිලධාරී මහතකු සමග කථාකර Test Driving අවස්ථාවක් ලබාගතිමි. අහෝ ඛේදයකි කණට අපහසු ගෝෂාකාරී හඬක් නංවමින් රථය පණගැන්වුණි. කිසිදිනක අත්නොවිඳි අමුතුම ආකාරයකට reverse ගියරය දැමිය යුතු බව අලවි සහයක මහතා කියාදුනි. 800cc එන්ජිම සාමාන්‍ය නොදියුණු ධාවනයක අත්දැකීම් එක කළ අතරසමාගම පවසන තරම් ඉන්ධන කාර්යක්ෂමතාවයක් නැතිබවද අන්තර්ජාලයෙන් දැක හිත හදාගත් මා පිටවීමට සැරසුණි. මා පැවසු කරුණු අනුව රථය මිලදී ගැනීමට පැමිණි තවත් පාරිභෝගිකයන් මා සමග සුන්වූ බලාපොරොත්තු සමග ප්‍රදර්ශනාගාරයෙන් ඉවතට පැමිණුනි.
Full Option නමින් හඳුන්වන රථය driver air bag සහිතවුවද NCAP test නිරීක්ෂණය කළවිට ආරක්ෂාව අතින් ඉතා දුර්වල බව පසුව අන්තර්ජාලයෙන් දුටිමි.

මෙය ලිවිය යුතුමයි සිතුවද නොලියා සිටියෙමි. නමුදු Renault Kwid රථ 1500 පමණ සමග නැවක් පැමිණි පුවතත් සමග ලිවීමට සිතුවෙමි. අතේ ඇති මුදලට මිලදී ගත හැකි රථයක් උවද එම මුදලින් පැරණි ජපන් කාරයක් මිලදී ගැනීම වඩා බුද්ධිමත් තේරීමක් බව නැවත නැවතත් සඳහන් කළයුතුය.
මෙහි සඳහන් සියලු කරුණු මාගේ නිරීක්ෂණ සහ අලවි නිලධාරීන් ලබාදුන් තොරතුරු මත පදනම් වේ.
-- කෝසල චතුරංග -- FB Profile  Click on This
ප.ලි. - විශේෂ දෙයක් කියන්නට නැති උනත් මේක තනිකරම මාර්කටින් පිහිටෙන් ලංකාවේ මානව සම්පතට කෙලවන්නට කරන කූඨ, නින්දිත ප්‍රහාරයක් බව නොකියාම බැරිය. අම්බෝ.. කාර් එකක් ඕන උනත් මෙයින් එකක් නං ගන්නෑ හිගා කෑවත්.. හැක් හැක්.. මට එපා උන එකම දේ ඇණ තුනේ රෝදේ..
Top gear review - රයිස් ගරන්ඩ සල්ලි දීල වගෙයි..
User Reviews - කව්රුවත් ප්ලාස්ටික සම්ප් එක දැකල නෑ වගෙයි..
Crash Test - Global NCAP
ප.ප.ලි - කෝසල වාහන පිළිබද දැනුමක් ඇති ඒ ගැන උනක් ඇති අයෙකු බව දක්නට ලැබෙන්නේ ඔහුගේ යාවත්කාලීන නොවූ බ්ලොග් එක නිසයි. රික්වෙස්ට් එකක් දැම්ම අනුමැතිය ඉල්ලලා. එතකල් පෙන්ඩින් ඇප්‍රවල් පෝස්ට් එක දානවා.. අනුමැතිය නැත්නං අයින් කරගන්නවා.. මට ඇහැක ඔය තරං වෙලා බලං ඉන්න.. හැක්

Saturday, September 3, 2016

අනේ සමාවෙන්න සර්!!!

අනේ සර්.. බලන්නකෝ මට ඒක අමතක වෙලාම ගියා නේ.. අපේ මේ ගොං කෙන්ජා දාන ස්ටේටස් මං බලල සද්ද නැතිව හිටියට, හැබෑටම මේක දැක්කම මගේ පපුව පලාගෙන යන්න ගත්තා.. අපි දිහා පියෙක් වගේ බලපු කියපු ඔබතුමා ගැන කිසිම අහිතක් නැති උනත්, ඇත්තටම මට හිතාගන්න බැහැ ඇයි මේ බව මට අමතක උනේ කියලා. උදේ ටීවි එක බලද්දිත් මට මතක් උනා. ඒත් ඒක ඒ තරං ඔලුවට වැදුනේ නැහැ. ඔව් අපිටත් ඉතිං අර කුකුළගේ කරමලේ වගේ වටිනාකමක් නැහැනේ. අපිට වටින්නේ හොදට ඇග පත මහතට ඉන්න පිරිවර සේනා ඉන්න සිවිල් පොර චරිත නේ.. ඒත් ඔබතුමා හැමදාම මට සුභ පතනවා. ජනවාරි පළවෙනිදට අනිවාර්යයෙන් මට සුභ පතනවා. ඔබතුමා කොහාම දන්නවද කියල මං සමාර වෙලාවට පුදුම උනත්, කව්රුවත් නොදන්න ගෙදර උන්දැ විතරක් දන්න නම්මරෙත් ඔබතුමා දන්නෙ කොහොමද කියල මං පුදුම උනා. ඒ්ත් ඇත්තටම ඒ ඔබ අපිට ආදරය කරන සීමාව නිසා නේ.. කව්රුවත් නොදන්න නම්මරේට උනත් ජනවාරි පළවෙනිදට සුභ පතන්නේ. ඒ වගේමයි මට අද ඊයේ වගේ මතකයි මම අප්‍රෙල් මාසේ ගත්ත අලුත්ම සිම් එකටත් ඔබතුමා සිංහල අවුරුද්දට සුභ පැතුවා. එතකොට මේ සිංහල අවුරුද්දේ ඔබතුමා මගේ දුරකතන අංක සියල්ලම දැනගත්තා. ඒක කොහොම දැනගත්තද කියන එක පුදුමයක් උනත්, ඒකෙන් තේරෙන්නේ ඔබතුමා අපි ගැන කොයි තරං සැළකිලිමත්ද ඔබතුමා අපි කොයි තරං වටින අය විදියට සලකනවද කියල හිතන එක නේ. වෙලාවකට ඒකට ඇඩෙනවා. නහර පුපුරලා යයි කියලත් බය හිතෙන වෙලාවල් නැතිව නෙමෙයි. අනිත් යාළුවන්ගේ සුභ පැතුම් අතරේ ඔබගේ සුභපැතුම් දැක්කම කෑ ගහල අඩන්න හිතෙනවා සන්තෝසේට.

මොනව උනත් ඔබතුමා දන්නවා උපන්දිනේ දවසේ මං වගේ බුරුවෙකුට සුභ පතල වැඩක් නැහැ කියලා. මොකද එදාට මං තනිකරම ලේ වෙනුවට මධ්‍යසාර ශරීර ගත කරගන්නා නිසා නේ. මං ගිය අවුරුද්දේ බලාන හිටියා අඩු ගානේ මේ පාරවත් මට උපන්දිනේට ඔබතුමා සුභ පතාවි කියලා. ඒත් ඒක හීනයක්. මොනව උනත්, මං වගේ බලු නගුටෙකු දවසම බීමත්ව උපන්දිනේ දවසේ ඉන්නවා කියල ඔබතුමා සමාර විට දන්නවා වෙන්න ඇති. අන්න ඒකයි අපි ගැන හිතන අයගේ හැටි. කවදාවත් ඔබ මගෙන් පාර්ටි ඉල්ලල තියේද? නැහැනේ. ඒකට මගේ යාලුවොයි නෑයෝයි. අතේ සතේ නැති උනත් උපන්දිනේ දවසට උන්ට බොන්න දෙන්න ඕන. පුදුම වැඩක් නේ ඕයි සොරි සර්... මේ මල ජරාවේ ඉපදුනාට ඒ දුක මං වත් සමරන්නේ නැත්ද එදාට.

කමක් නැහැ මං දන්නවා ඔබතුමා මං ගැන කොයි තරං හොයා බලනවද කියලා. ඒක ලබන උත්සව කාලේදිත් එහෙමම වේවි කියල හිතනවා. ඒත් තව අවුරුදු හතරක් ගියපු තැන ඒවා නැති වෙනවා කියල හිතන කොටත් මට දුකයි.

හතර විලි ලැජ්ජයි. සර්.. සමාවෙන්න. ඔබතුමා එවපු එක සුභ පැතුම් පණිවිඩයකටවත් වටිනාකමක් මට දෙන්න බැරි උනා .නැත්නං අමතක වෙලා ගියා. ඒත් මේ පාර අර කෙන්ජා නිසා මට මොලේ පෑදුනා..

අපි ගැන පියෙකු මෙන්ඔ හිතන ඔබතුමාට සුභ උපන්දිනයක් වේවායි මෛත්‍රි සිතින් පැතුම් එක් කරමි!!

මීට කවදත් ඔබට අකීකරු,

දේශක.. හැක් හැක්.. රා


Thursday, September 1, 2016

හබරළ කවි 2

ගං වතුර

කැළණි ගඟ වුවත්
දරා ගත නොහැකි විට
නොවැලපේද
හදවත පුපුරවා හැලෙමින්

පුපුරවා වැරෙන්
හ‍ෙළු කඳුළු ගලා
අතොරක් නැති
හැම තැනම සොයා

එහෙත් මිනිසුන්
අසරණව වැලපෙන විටත්
ආණ්ඩුව කුමද කළේ
විමසයි සුපින්වත්

එහෙත් ෂෙයා කෙරෙයි
ත්‍රිවිධ හමුදා කළ අපරිමිත
කැපකිරුමන්, උත්සුකයන්
අහෝ සමිඳේ
කොහිද අප හට එළියක්



හිත අවුල්

නොයෙක් වර
නොයෙක් දෙස
දුටු විට
අති රමණිය ළඳුන්
කීරි ගැසුනු හිත
යදියි
එක් දෙයක්
නොලැබුනද
සතුටයි
දුටු විට
ඒ රමණියයන්


බීම

වතුරද
පැණි බීමද
බෙහෙත්ද 
සිරප්ද 
නැත
මේවාය
බීම


මට පිස්සු

නිතර පැමිණෙන
විටෙක නවතින
හැමදේම උතුරණ
ප්‍රේමයම අයැදින
නොවක් හදවතම
නොසැලී විටක
අයැදියි
මොහොතක සුවයම


පලි - සෝදුපත් බලංඤ්ඤං අවශ්‍ය කර තිබේ!!

Friday, June 24, 2016

රන්සකු ලියුම ගහන්න ඕන අපායට..!! (See updates below)

රන්සකු ලියුම ගහන්න ඕන අපායට..



හිතවත් යම රජජුරුවන් වහන්සේ වෙතයි,



ඔබතුමාගේ රාජධානිය වෙත පැමිණිමේ නිවේදන නිකුත් කර ඇති සරත් විමලසුරිය නම් ත්‍රස්තවාදියා සම්බන්ධවයි.


පසුගිය අඟහරුවාදා දින පෘථිවියේ සිංගප්පුරුව නම් ස්ථානයේ ස්ථාපනය කර ඇති ඔබතුමාට විරුද්ධ ආයතනයක නේවාසිකව ඔබතුමාට විරුද්ධව කටයුතු කරනු ලබන සරත් විමලසුරිය නම් ත්‍රස්තවාදියා හට සමාව ප්‍රදානය කරන මෙන් ආයාචනා කර සිටිමි. එම ගැත්තා කට මැත දෙඩවුවාට ඔබතුමා හට හානිකර කිසිදෙයක් ප්‍රකාශ කර හෝ සිදු කර නොමැති බවට “මේ වනතෙක් අවසන් පැමිණිමේ නිවේදන“ නිකුත් කොට නොමැති මා ඉතා කාරුණිකව දන්වා සිටිමි. සරත් ගැත්තාගේ මෙම සියලු ක්‍රියාවන් ඔබතුමාට විරුද්ධව සිදු නොකරන බව ඔහු පෙන්වා ඇති ප්‍රතිශත ගනන් වලින් ඔබතුමාට තේරුම් ගනු හැකි වෙතැයි උදක්ම බලාපොරොත්තු වෙමි.




තවද, ඔබ වහන්සේගේ මනදොළ සපුරනු වස්, ඒ ගැත්තා හට තවත් බොහෝ ත්‍රස්ත ක්‍රියා සිදු කිරීමට ඇති බවත්, එමගින් ඔබ වසන්සේ මුසපත් වී සරත් ගැත්තා හට අවසන් පැමිණිමේ නිවේදන බොහෝ සතුටෙන් යුතුව නිකුත් කළ හැකි බවත් යටහත් පහත්ව දන්වා සිටිමි.

එසේ හෙයින්, ඔබතුමාගේ ක්‍රියාකලාපයට විරුද්ධව කටයුතු කරන එම ස්ථානයේ කටයුතු කඩාකප්පල් නොකර, තව ටික කාලයක් හෝ සරත් ගැත්තා හට තම ත්‍රස්ත ක්‍රියා සිදු කිරීමට අවශ්‍ය අවකාශය, අවසරය ලබා දෙන මෙන් ආයාචනා කර සිටිමි.



මෙයට විශ්වාසී,



ඔබගේ ඇමතුමට සැනෙන් පැමිණීමට නියමිත,

දේශක ගැත්තා.

හැක්




Link to the Terrorist විරුවෙකු නොවූ රණවිරුවා




ඇත්තටම මේ හාදයා බේරිල නෙව.. හැක්






Sarath Wimalasuriya මේපාරත් කොලේ වැටුනෙ මගේ පැත්තට...
UnlikeReply1412 hrs





Tuesday, May 24, 2016

නිකොලා ටෙස්ලා (Tesla in America)

මුලින් ලියපු ඒවා


**************************************************


නිකොලා ටෙස්ලා මහතා විදුලි පහන ස්පර්ශ කිරීමෙන් අනතුරුව එහි දීප්තිය යළි ප්‍රකෘති තත්වයට පත් විය. මා හට ඉස්පාසුවක් නැතත්, ඔහු එතරම් කලබල නොවන හැඩය.

මම
ඉතිං ටෙස්ලා මහත්මයා,, ඔබ කොහොමද ඇමරිකාවට ආවේ..??

නිකොලා ටෙස්ලා

ඒක තරමක දීර්ඝ කතාවක්. ඔබට එය අසා සිටින්නට සිදු වේවි.. කලින් ඔබගේ සටහනේ තිබුනා වගේ මම හංගේරියාවේ බුඩාපේස්ට් නුවර තිබුන දුරකතන හුවමාරු සමාගමක සේවය කළා. නමුත් මා එහි යන විටත් එම සමාගම ඉඳිකිරීම් මට්ටමෙයි තිබුනේ.. මම එතැනට පත් උනේ ඩ්‍රාෆ්ට්මන් කෙනෙක් විදියට. නමුත් මාස කිහිපයක් යන කොට සමාගම වැඩ පටන් ගත්තා. හැබැයි ඒ වෙන කොට මම ප්‍රධාන විදුලි කාර්මික විදියටයි එහි වැඩ කලේ. අන්න එතැනදි මේ පද්ධතීන් වැඩි දියුණු කරන්නත්, අත්‍යාවශය වෙනත් උපාංග නිපදවන්නත් මම උත්සුක උනා. ඔබ දැන් දන්නා මුල්ම ශබ්ද වාහිනිය නැත්නං කව්රුත් දන්නා ඇමිලිෆයර් එක හදන්න මට පුළුවන් උනා. ඒ වගේම ඒ පද්ධතීන් වල තිබු ඉතා විශාල අඩුපාඩු නිවරැදි කරන්නත් මට හැකියාව ලැබුනා. ඔය 1881 දී. එතකොට මා සමග මිතුරෙකු වශයෙන් සිටි ඇන්තනි සිගෙට් මහත්මයාටත් මටත්, පැරිස් නගරයේ අලුතෙන් පිහිටවපු කන්ටිනෙන්ටල් එඩිසන් සමාගමේ සේවය සදහා යෑමට අවස්ථාවක් ලැබුනා. මේ සමාගම ඔබ හොදින් දන්නා තෝමස් එඩිසන්ට අයිති සමාගමක්. මේ අවස්ථාව ලැබුනේ මම අර දුරකතන සමාගමේ පද්ධතීන් වැඩි දියුණු කිරීමට ගත්ත උත්සාහය නිසයි. ඉතිං අප එය පිළිඅරගෙන පැරිසියට ගියා. එහිදි අපට වැඩ කිරිමට සිදු උනේ චාර්ල්ස් බැචිලර් කියන මහත්මයා යටතේ තිබූ විදුලි පහන් කර්මාන්තශාලාවකයි. මම යනවිට පැරිසියේ තිබු තත්වය ඔබට මේ පින්තුරයෙන් බලාගත හැකියි.

එතනදි මට කරන්න ලැබුන හොදම වැඩ දෙකක් තමා පැරිස් ඔපෙරා හවුස් හා බැවේරියා පිහිටි නර්තන ශාලාවක ආලෝක පද්ධතිය ස්ථාපනය කිරිම. නමුත් මෙම කටයුතු වලදි මම දැක්කා එඩිසන්ගේ විදුලි ඩයිනමෝ වල ඇති පැහැදිලි දුර්වලතා. ඒ අනුව මගේ ප්‍රධානියා වෙත මෙම ඩයිනමෝ වැඩි දියුණු කිරීම සදහා වන සියළු විස්තර ඇතුලත් යෝජනාවලියක් ඉදිරිපත් කරා. එය අනුමත උනා. ඉතින් මම එඩිසන්ගේ ඩයිනමෝ වල තිබු මුලික අඩුපාඩු නිවරැදි කර ඒවා කාර්යක්ෂම අයුරින් ක්‍රියා කළ හැකි ආකාරයට වැඩි දියුණු කලා.

අපට ලැබිල තිබුනා ප්‍රධාන කොන්ත්‍රාත්තුවක් ජර්මන් ලයිටින් සමාගම ආලෝකකරණය කිරීමට. ඒ කිව්වේ විදුලිය සැපයීම. එඩිසන් ඔක්කෝම හදල තිබුනත් පරික්ෂණ වාරයකදි සියල්ල අවුල් උනා. සියළු යන්ත්‍ර ගිනි ගත්තා. ඒ නිසා මට සිද්ධ උනා ඒ වගකීමත් ගන්න. ස්ට්‍රැස්බර්ග් වලට මට හනික යන්න සිද්ධ උනා. එහි අළුත්වැඩියාවන් මා සිදු කලා පමණක් නෙමෙයි. ජර්මානුවන් එක්ක වැඩ කළ යුතු ආකාරයත් ඉගෙන ගත්තා. හා හා. ජර්මානුවන් කියන්නේ හරියට දෙයක් තීරණය නොකරන අයයි. කෙනෙක් ගෙන් දෙයක් ඇහුවම ඒකට උත්තර සොයන්න ඉහලම නිළධාරියා දක්වා යනවා. අන්තිමට පහළම නිලධාරියා දීපු උපදෙස තමා ක්‍රියාත්මක වෙන්නේ. ඒත් මේකට ගත වන කාලය.. ඒක අති විශාලයි. මට හොද අත්දැකීමක් තියෙනවා ඒ ගැන.

මම
ඔය කාලයේදි නේද ඔබ පළමු ඉන්ඩක්ෂන් මෝටරය හදලා ප්‍රදර්ශනය කලේ.

නිකොලා ටෙස්ලා
ඔව් ඔබ හරි.. 1883 දී මම මෝටර් එක හදලා ව්‍යාපාරික පිරිසකට එය ප්‍රදර්ශනය කලා. නමුත් ඒ කෙරෙහි කිසිවෙකු උනන්දුවක් දැක්වූයේ නැහැ. ඉතිං ඒක නිසා මගේ කටයුත්ත ලත් තැනම ලොප් උනා.

මම
ඉතිං ඔබ ඇමරිකාවට ආවේ කවද්ද?

නිකොලා ටෙස්ලා
ඇමරිකාවට යන්න මට තිබුන උනන්දුව නිසාම මගේ ප්‍රධානියා වෙච්චි බැචිලර් මහත්මයා මට රෙකමදාරු ලිපියක් දුන්නා තෝමස් එඩිසන් හමු වෙලා දෙන්න කියලා. ඉතිං මම ඒකත් අරගෙන මගේ අඩුම කුඩුම ටිකත් පටවගෙන ඇමරිකාවට එන්න පිටත් උනා නැවෙන්. මම ඇමරිකාවට ආවේ 1884 ජුනි හත් වෙනිදා. ඊට පහු වෙනිදාම මම එඩිසන් හමුවෙන්න ඔහුගේ කාර්යාලයට ගියා. අර ලිපියත් ඔහුට දුන්නා. ඒ ලිපිය දිහා බලපු ඔහු කට කොනකින් අවඥාසහගත සිනාවක් පාමින් ඊට පසුදා සිට ඔහුගේ සමාගමේ රැකියාවට එන්න යැයි දැනුම් දුන්නා.

මම
ඒ ලිපියේ තිබුනේ කුමක්ද කියා ඔබ දන්නවද?

නිකොලා ටෙස්ලා
ඔව් මම දන්නවා. එහි මෙහෙමයි තිබුනේ.

Dear Mr Edison

I know two great men.One is you, and the Other one is this young man


Charles Batchelor


මම
ඇයි ඔබට ඇමරිකාවට පැමිණිමට මේ තරම් උනන්දුවක් තිබුනේ.

නිකොලා ටෙස්ලා
ඒක මෙහෙමයි. මම කුඩා කාලයේදි පාසැලේදි දැක්කා මනස්කාන්ත නයගරා දිය ඇල්ලේ පින්තුරයක් .එහි යෝධ ජල කඳ දුටුවම මට සිත් උනා කවදා හෝ දිනෙක ඒ මහා ජල කඳ මගින් ගලා හැලෙන අසීමිත ශක්තියෙන් වැඩක් ගත යුතු බව. එය මගේ සිතේ තදින්ම කාවැදි තිබු දෙයක්. ඉතිං ඇමරිකාවේ එඩිසන් යටතේ වැඩ කරන්න ලැබුන මුල්ම අවස්ථාව ප්‍ර යෝජනයට ගෙන මම ඇමරිකාවට පැමිණියා. අමතක කරන්න එපා තෝමස් එඩිසන් කියන්නේ ඒ දින වල ලෝකයේ සිටි ප්‍රභලම අයෙක්. ඒ වගේම ඔහුව හඳුන්වා දුන්නෙත් මෙන්ලෝ උද්‍යානයේ මායාකරු හැටියටයි.

මම
මට කියන්න ඔබ එඩිසන් යටතේ මොනවාද කලේ කියන එක?

නිකොලා ටෙස්ලා
නිව් ජර්සි වල පිහිටි එඩිසන්ගේ පර්යේෂණාගාරයේ වැඩ කරන්න මට ලැබුනා. එතැන තනිකරම සරල ධාරා විදුලි බලය උත්පානය කිරීම සදහා අවශ්‍ය ඩයිනමෝ සහ වෙනත් උපකරණ නිෂ්පාදනය කරන තැනක්. ප්‍රංශයෙදි වගේම මට මෙතැනදිත් සිද්ධ උනා එඩිසන්ගේ ඩයිනමෝ වල තිබුන විශාල දුර්වලතා නිවරැදි කරන්න. අවසානයේ එඩිසන්ට සිද්ධ උනා ඔහුගේ ක්‍රමය පසෙක ලා මා විසින් වැඩි දියුණු කරන ලද ක්‍රමයන් එම ඩයිනමෝ සදහා ආදේශ කරන්න. මෙතැනදි මට පැහැදිලි උන දෙයක් තමා විදුලි බලය නිපදවීම හා සම්ප්‍රෙෂණය කිරීමේදී සරල ධාරාව අතිශය ආකාර්යක්ෂමයි කියන එක. ඒක මම පැහැදිලිවම එඩිසන්ට කිව්වා. එතැනදි ඔහු මගෙන් විමසුවෙ ඊට සුදුසු විකල්පය කුමක්ද කියලයි. ඔබ දන්නවා නේ මට තිබු එකම විකල්පය ප්‍රත්‍යාවර්ත විදුලිය භාවිතය කියන එක කියලා. නමුත් ඒ වෙනකොටත් එඩිසන් සරල ධාරා විදුලිය ජනනයට අවශ්‍ය ඩයිනමෝ සහ අනෙකුත් සියලුම උපාංග වාණිජ මට්ටමින් නිපදවීම සදහා ඉතා විශාල ප්‍රාග්ධනයක් වැය කරලයි තිබුනේ. ඒ සදහා ආයෝජකයන් වෙතින් ඔහු අති විශාල ආයෝජනයන් ලබා ගෙන තිබුනා. ඉතිං මේ හේතුව මත ඔහුට නැවත හැරිමට නොහැකි තත්වයක් තිබුනා. ඒ අනුව කිසි ලෙසකින් වත් ප්‍රත්‍යාවර්ත විදුලිය නිපදවීම ලාභදායි හා පහසු දෙයක් ලෙස සැලකීමට ඔහුට හැකියාවක් සහ අවස්ථාවක් ලැබුනේ නැහැ. නමුත් ඒ කාලේ තිබු සරල ධාරා ජනනය කිරීම ඔබ දුටුවා නම් පුදුමයට පත් වේවි. ඉතා විශාල යන්ත්‍ර මගින් පොසිල ඉන්ධන දහනයෙන් ජනනය කරපු මේ විදුලිය නගරය තුල සම්ප්‍රේෂණය කිරිමට විශාල වියදමක් දැරීමට සිදු උනා. ඒ කෙසේ උනත් සරල ධාරාව සමේපේෂණය කිරීම අතිශය අපහසු කාර්යයක් . ඇයි එය ඉතා අකාර්යක්ෂම නිසා. වැඩි විෂ්කම්භයකින් යුත් තඹ රැහැන් දිගේ ගෙන යන මේ විදුලිය, සැතපුමක් යද්දි අර්ධයකටත් වඩා හානි වෙනවා. ඉතිං එඩිසන්ට සිද්ධ උනා සැතපුමක් ගානේ සරල ධාරා විදුලි උත්පාදන යන්ත්‍ර ස්ථාපනය කරන්න.


මේ බලන්න ඒ කාලේ සරල ධාරා විදුලිය රැහැන් දිගේ ගෙන ගිය ආකාරය



හා හා. හිසට ඉහලින් මකුළු දැල් බැඳලා වගේ නේද?? ඔන්න ඔබට මම අවස්ථාවක් සලසා දෙනවා සරල ධාරාව භාවිතා කරන විට පැවති තත්වයත්, ප්‍රත්‍යාවර්ත ධාරාව භාවිතා කළ විට ඒ ස්ථානීය ස්වරූපයත් හඳුනාගන්න අවස්ථාවක් ලබා දෙන්න.



ඔය සරල ධාරා විදුලි ජනක යන්ත්‍ර කියන්නෙත් මහා දුම් ගොඩක් පරිසරයට මුදා හරින, සේවකයන් කිහිප දෙනෙකු දුම් කෝච්චියට මෙන් ගල් අඟුරු දමන යන්ත්‍රයක්.



A massive Edison dynamo from the Pearl St. New York Station

ඉතිං ඔවැනි යන්ත්‍ර නගරයක හැතපුමක් ගානේ තිබුනම, කොච්චර වියදං කරල කොච්චර මුදල සොයාගත්තත් ඇති පලය කුමක්ද?? ඉතාම අකාර්යක්ෂම ක්‍රමයක් මේක. ප්‍රධානම දේ එඩිසන්ගේ මුලිකත්වය, බලය නිසා ඇමරිකාව තුල විදුලිය සැපයීමේ සම්මතය සරල ධාරාව බවට නම් කරගෙන තිබුනා .එ් තත්වය මත එඩිසන් යොදවපු මුදල් ආපසු ගන්න හැකියාවක් නැහැ. ඒක නිසා ඉතා විශාල බලපෑමක් ආවා ප්‍රත්‍යාවර්ත ධාරාව ඇමරිකාව තුල ප්‍රචලිත කිරීමේදි. නමුත් මා නම් කිසි විටෙකත් ප්‍රත්‍යාවර්ත ධාරාව යොදා ගැනීම සම්බන්ධව පැකිලීමක් තිබුනේ නැහැ. ඊට සරිලන උපකරණ, උපාංග නිර්මාණය කරමින් මා වැඩ කටයුතු කළා.

මම
War of Currents කියන විදුලිය සම්බන්ධ යුද්ධය ඇති උනේ ඒ නිසාද?

නිකොලා ටෙස්ලා
මේ ගැන විශාල ලෙස කතා කළ යුතුයි. ඔබට ඊට අදාළ නිසි පැහැදිලි කිරීම් මා කළ යුතුම දෙයක්. නමුත් ඔබ ඇහුවේ නැහැනේ මම එඩිසන්ගෙන් අයින් උනේ ඇයි කියලා.. ?? ඇයි ඒ..?? හා හා

මම
ඇත්තෙන්ම.. විදුලි යුද්ධය ගැන දැනගැනීමට ප්‍රථම තවත් කරුණු ඔබගෙන් දැනගත යුතුයි. මේ කාල සීමාව ඔබගේ හැරවුම් ලක්ෂයක් වෙන්න ඇති නේද?

නිකොලා ටෙස්ලා
හරියට හරි.. ඇමරිකාවට මා පැමිණීමේ මූලික අරමුණ ඉෂ්ඨ කරගැනීමේ මුල්ම අඩිතාලම වැටුනේ ඔය කාලයේදි තමා. ඒ ගැන තොරතුරු කියන්න කලින් අපි කෝපි කෝප්පයක් බොමුද??

Saturday, May 7, 2016

නිකොලා ටෙස්ලා හමුවීම!! (Finally I met the legend NIKOLA TESLA - Induction Motor)

නිකොලා ටෙස්ලා හැඳින්වීම

ළමාවිය

අධ්‍යාපනය

නිදි දෙව්දුව තුරුලේ සිටි මාගේ උරපත්තට යම් කිසිවෙකු විසින් ඉතා මෘදුව හා සමාන කාල පරාසයන් සහිතව සිදු කරන ලද තට්ටුකිරීම හේතුවෙන් මාගේ නිදිමත ගතිය පහව යන්නට විය. පැය ගණනක් තිස්සේ වසා සිටි දෙඇස්, ආලෝකයට හුරු වීමට කල් ගත කරන බැව් මා දන්නා මුත්, තවමත් කාමරය තිබෙන්නෙ දිගු අඳුරක බව මට පැහැදිලි විය. එහෙත් මා ඇස් හැරි මොහොතේම, කළින් දැනුනු තට්ටු කිරිම නතර වී තිබිණි. සෙමින් අත උරපත්ත මතට ගෙන එතැන අතගා බැලුවේ මේ සැබෑවක්ද හීනයක්ද යන්න නිසි ලෙස පහදා ගැනීමටයි. ඒ නිමේෂයේ මගේ ඇස්, මාගේ ඉහට ඉහළින් ඇති යම් ඡායාවක් වෙතට යොමු වූ අතර, මනසට සංවේදනය වූයේ යම් උස් සිරුරක් සහිත කළු පැහැ ඇඳුම් ඇඳි අයෙකු මා ඉහ ඉද්දරින් සිටිනා‘යුරකුයි. වික්ෂිප්ත වූ මා වහාම ඇද මත වාඩීවීමට උත්සාහ ගනිද්දි, මගේ හුස්ම ගැනීමේ වේගය සීඝ්‍ර ලෙස වර්ධනය වී ඇති බවත් ඒ හේතුවෙන් මගේ හෘද කම්පනය කම්මලක ශබ්දයක් මෙන් මට ඇසෙන බවත් පසක් විය. නොසෙල්වී මා දිහා බලා සිටින ඒ රෑපකාය වෙතින් කිසිදු චලිතයකුදු නොමැති වුවද, දීප්තිමත් වෙමින් පවතින යමක දෘෂ්ඨි ග්‍රහණයට මා නතුව ඇත බවත් තත්පර දෙක තුනක කාලයකදි එය කිසියම් අයෙකුගේ දෙඇස් බවත් ප්‍රත්‍යක්ෂ විය. මෙම දර්ශනය හේතුවෙන් භීතියෙන් හිරි වැටී සිටි මාගේ මුවින් එකඳු වචනයක් හෝ පිටකරගත නොහැකිව සිිටියෙමි. ඉතා අපහසුවෙන් හා භයෙන් ත්‍රස්තව මුව හා දෑස් අයා සිටින විට, ඉතා දුර්වල වූ නීල වර්ණ එළියක් එම රෑපකාය පුරාම පැතිරෙන බව දැකීම මාගේ බිය දෙගුණ තෙගුණ කිරිමට සමත් විය. මේ දකින්නේ සිහිනයක් නොවන බැව් නම් සහතිකය. එහෙත් කිසිදු කරදරයක් නොකර නිසොල්මනේ ඉන්නා මේ පුද්ගලයා පිළිබඳව මා තුල ඇති වූ භීතිය මරණීය සිතුවිලි නැංවීමට සමත් විය. මා භීතියට පත් කරමින් ඒ නීල වර්ණය ඔහුගේ ශරීරය පුරා විහිදෙන්නට පටන් ගෙන ඇත. සිහිනයක්ද එසේ නොමැති නම් සැබෑවක් දැයි සිතා ගත නොහී බලා සිටින මා එම නීල වර්ණ එළියෙන් ඒ කව්දැයි නිශ්චිතව හඳුනාගත්තෙමි. මේක වෙන්න පුළුවන් දෙයක්ද?? නිකොලා ටෙස්ලා.. මගේ ඇඳ ඉහපත්තේ ඉන්නවා. මේ 2016. එයා මැරුණේ 1943.. මේක කොහොමද වෙන්නේ.. මගේ සිහිය විකල් වෙලාද?


“පුතා.. කලබල වෙන්න එපා.. දැං ඔයා මාව අඳුරගත්තා නේද?“

“ඔව්.. ටෙ ටෙ.. නිකොලා ටෙස්ලා මහත්තයා“

“ඔබ බයට පත් වෙච්චි විත්තියක් තමා මම දැක්කේ. ඒක එහෙමද?“

“ආයිත් අහනවා. බය උනා නෙමෙයි තව ටිකෙන් හදවත ගැහිලම මං මැරෙනවා.. මේක හීනයක් නෙමෙයිද එතාකොට“

“හහ් හහ් හා.. සමා වෙන්න.. හිතල හිනා උනා නෙමෙයි. ඔබ හීනයක් කියල කියන්නේ මොකක්ද?“

“නිදාගන්න කොට පේන හීන“

“ඔබ හිතන්නේ අපිට හීන පේන්නේ නිදාගන්න කොට විතරයි කියලද?“

“මම දන්නෙ නැහැ“

“ඔබ දැං මා දිහා බලා හිටියට ඔබ හිතනවා ඔබ අනාගතයේ ඉදිද්දි මම අතීතයෙන් ඇවිත් කියලා“

“මට ඒක හිතාගන්න බෑ. අනන්තයෙන් ආ තරු කුමාරා වගේද කව්ද දන්නේ“

“හහ් හහ්.. අර කොරියානු දීර්ඝ ටෙලිය වෙන්නැති ඔබ අදහස් කරේ. ඒ වගේ කතා නං එමටයි නේ“

“එහෙනං ඔබ කව්ද ඇත්තටම“

“මම නිකොලා ටෙස්ලා.. මට හිතුනා ඔබ හමුවීම වැදගත් වෙයි කියලා. ඒත් මම දන්නවා ඔබ දැන් මා පැමිණි ආකාරය ගැන සැකයක සිටින බව. හොදයි මෙහෙම හිතන්න. ඔබ පෘතීවිය මත ඉන්න කොට ඔබ හිතනවා ඔබ තමා වර්තමානය... ඒ කිව්වේ ඔබ මේ දැන් සිද්ධ වන දේ දකින කෙනෙක් විදියටයි ඔබ සිතන්නේ. නමුත් ඒක එහෙම නැහැ. ඔබ උදේට සුර්යාලෝකය දැං පෘථිවියට පතිත වු සේ දකිනවා.. ඔබේ වෙලාව උදේ 6 විතර වෙද්දි. ඒත් ඔබ දන්නව ඇති නේද ඒ ආලෝකය ඊට විනාඩි අටකටත් එහාදි සුර්යයාගෙන් නික්මුණ ආලෝකය බව. ඉතිං ඔබ සිටින මොහොත ගැන දැන් ඔබට අදහසක් තියෙනවද?“

“පොඩ්ඩක් ඉන්න මහත්තයා. මට පැහැදිලි නැහැ.“

“ඔබ අහල තියෙනවා නේද ඇල්බට් අයින්ස්ටයින් විද්‍යාඥයාගේ සාපේක්ෂතාවාදය ගැන.. ඔව්.. ඒ වගේ මේ විශ්වය මත කාලය කියන දේ සාපේක්ෂයි. සමහර විට ඔබ නොදන්නව උනාට ඔබ දිහා, කාලය හරහා බලන කෙනෙකු ඔබගෙන් මතු අනාගතය දකිනවා වෙන්න පුළුවන්. සමහර අය ඔබගේ අතීතය දකිනවා වෙන්න පුළුවන්. ඒ කාල පරාසය ජය ගත හැකි අයෙකු වේනම් ඔහුට එක මොහොතකදි අනාගතයත්, අතීතයත් වර්තමානයත් දකින්න පුළුවන්“

“ඒ කියන්නේ ඔබ අනාගතයෙන්ද පැමිණියේ..“

“නැහැ. මට ඒ ගැන මේ වෙලාවේ ඔබට නිශ්චිතව ඒ ගැන සදහන් කරන්න බැහැ. නමුත් මා ආවේ ඔබට වෙනත් යෝජනාවක් කරන්න. ඔබ කැමති නැද්ද ඔබ දන්නා නිකොලා ටෙස්ලා සමග සම්මුඛ සාකච්ඡාවක් කරන්න. මොකද මම දන්නවා ඔබ මාගේ ජිවිතය ගැන බ්ලොග් පෝස්ට් තුනක් පළ කරපු විත්තිය. ඒවායේ සමහර දේවල් ගැන ඔබගේ මතය නිවරැදි යැයි කියන්න බැහැ. ඒක නිසා ඔබගේ භාෂාව පරිශිලනය කරන පාඨකයන් හට නිකොලා ටෙස්ලා යනු කවරෙක්ද යන්න පහදා දීම යුතුකමක් සේ මා සලකනවා. ඔබ ඊට එකඟද?“

“ටෙස්ලා මහත්තයා. මට ඒක ගෞරවයක්.. මටත් ඔබගෙන් අහන්න බොහෝ ප්‍රශ්න තියෙනවා. මොකද මේ හැම දේම අපි අන්තර්ජාලයෙන් ලබා ගන්න තොරතුරු නිසා“

“හොදයි. මා කැමතියි ඔබට උදව් කරන්න. හැබැයි එක දෙයක් පිළිබඳව මගෙන් ප්‍රශ්න කිරිම ඔබ සිදු නොකරනු ඇතියි මා සිතනවා. එනම් ඔබට බැහැ මේ පෘථිවිය මතින් මා නික්ම ගිය දිනට පසු දිනයන් හි මගේ ජිවිතයත් ඒ හා සම්බන්ධ තොරතුරුත් විමසන්න. ඔබ බුදුදහම අනුගමනය කරන කෙනෙක් නිසා බුදුන් පැවසු දේ අසා ඇතැයි සිතනවා. “කිසි විටෙක මේ විශ්වය ගැන තොරතුරු සොයන්න වෙහෙසෙන්න එපා“ යන්න“

“ගැටලුවක් නැහැ ටෙස්ලා මහත්තයා. ඇත්තටම මේක හීනයක්ද මන්දා.. අපි කවද්ද ඒ වැඩේ පටන් ගන්නේ.“

“මේ දැන්ම.. මොකද මට ඔබට දිය හැකි වෙලාව හා ගැටළුවක් තිබෙනවා. පුතා ඔය විදුලි පහන් අවශය නැහැ.. මා ගාව ස්වයංව දැල්වී අවකාශයේ රැඳි තිබෙන ආලෝක ධාරා තිබෙනවා. අපිට පුළුවන් එයින් මේ කාර්යයට සහායක් ලබා ගන්න. ඔබ මෙතැනින් ඉදගන්න. අර වැල් පුටුව මට ලැබුනනම් ඇති. ඒ අනුව මට ඒ මත හිඳගත්තා වැනි හැගීමක් ලබා ගත හැකියි.“

“ස්තුතියි ටෙස්ලා මහත්තයා.. “

“හොදයි.. ඔබ ආරම්භ කරන්න. මම සුදානම් ඔබට සත්‍ය ලෙසම පිළිතුරු දෙන්න“

මම
ටෙස්ලා මහත්තයා... මම මුලින්ම කැමතියි දැනගන්න ඔබ විද්‍යාඥයෙක්ද
, නව නිර්මාපකයෙක්ද කවුරුන්ද කියල?


නිකොලා ටෙස්ලා
ඔබ දැනටමත් දන්නවා ඇති බොහෝ ලිපි ලේඛණ වලදි මාව හඳුන්වල දෙන්නේ විදුලි ඉංජිනේරුවරයෙකු විදියටයි. ඒ මම හිතන්නේ මම විදුලිය සම්බන්ධ ඉගෙන ගත්ත නිසාම නොවෙයි, විදුලිය සම්බන්ධ පරික්ෂණ හා නිර්මාණයන් ඉදිරිපත් කරපු නිසා බවයි මගේ හැගීම. හැබැයි මට හිතෙන්නෙ මම නව නිර්මාණකරුවෙක් කියලයි.

මම
ටෙස්ලා මහත්තයා.. ඔබතුමා ගැන මම මේ වන කොටත් බ්ලොග් පෝස්ට් තුනක්  ඉදිරිපත් කරල තියෙනවා. ඔබට ඒවා කියවීමට සැලැස්වීමට පුළුවනි.. ඒ මම කියපු දේවල් වලින් වැරදි යැයි හැගෙන යමක් තිබෙනවද යන්න දැන ගැනීමට මම කැමතියි.

නිකොලා ටෙස්ලා
ස්තුතියි. අවශ්‍ය නැහැ. මං මේ වෙන කොට ඒ සියල්ල කියවා අවසන්. එහි පළමු, දෙවනු සටහන් වල ඇති අඩුපාඩු ඔබ දන්නා පරිදි නිවරැදියි. නමුත් තෙවැති සටහනේදි ඉන්ඩක්ෂන් මෝටර් එක හඳුන්වාදීමේදි ඔබ යම් අපහසුතාවයකට පත් උනා නේද පාඨකයන් ප්‍රශ්න කිරීම නිසා??

මම
ඔව් ඔව් රූපසටහන් අනුව ග්‍රැම් ඩයිනමෝව සම්බන්ධ ගැටළුකට මුහුණ දුන්න නම් තමා. ඔබ මොකක්ද කියන්නේ ඒ ගැන?

නිකොලා ටෙස්ලා
මේ තියෙන්නේ ඔබ දැන් පවසන පරිදි ඒ කාලේ තිබු හොදම ඩයිනමෝවක්.



ඔබට පේනවා ඇති නේද ඒකේ භ්‍රමනය වීම සදහා තිබෙන කොටස. එතැනදි මහාචාර්ය පෝෂ්ට මම කිව්වේ (Prof. Poeschl) ඔය උපකරණයේ තිබෙන දුර්වල සන්නායක වලින් නිර්මිත commutator කොටස් නැතිවත් උපකරණය වැඩ කරන්න පුළුවන් කියලයි. නමුත් ඔහු ඒ බව පිළිගන්නට මැළි කමක් දැක්වූ නිසා අවසානයේ මගේ උපාධියේ වැඩත් ඩයිනමෝව නිසාම නතර උනා. හා හා හා

මම
ඒ කියන්නේ ඔබ තුල යම් අදහසක් තිබුනද කමියුටේටර් එකක් ඇතිලෙන්නේ නැතිව ඒක භ්‍රමනය කරවන්න??

නිකොලා ටෙස්ලා
ඇත්තෙන්ම මට ඒ ගැන නිශ්චිතව කීමට නොහැකියි. නමුත් මගේ චිත්ත අභ්‍යන්තරය මගින් සංවේදනය වී මට ප්‍රත්‍යක්ෂ වූ දෙයක් තමා එහි නිදහස් භ්‍රමනය උදෙසා යම් කිසි ක්‍රමයක් තිබිය යුතුයි කියන එක. ඒත් ඒ කුමක්ද යන්න ගැන මට කුඩා හෝ ඉඟියක් තිබුනේ නැහැ මගේ මහාචාර්යතුමාට ඉදිරිපත් කරන්නට.

මම
මම කියනවා ඔබ ඉන්ඩක්ෂන් මෝටරයේ ක්‍රියාකාරිත්වය හොයාගත්තේ ඒ වෙනුවෙන් කියලා?

නිකොලා ටෙස්ලා
ඔබ කියන එක හරි. වසර ගණනක් තිස්සේ අර ඩයිනමෝවේ චලිතය පිළිබඳව සිතින් විසදුම් සෙව් මට අවසානයේ, අර ඔබගේ තෙවැනි පෝස්ටුවේ සඳහන් ආකාරයට ගොතේ ගේ කවියෙන් අදහස් වන අප වටා සුර්යයා භ්‍රමනය වෙමින් බැස යන ආකාරය සිතට දැඩි බලපැමක් කළ නිසා එයින් මගේ සිත තුල එක් වරම විදුලියක් කෙටු අයුරින් ඒ අදහස පිළිසිද ගත්තා. ඒ කිව්වේ කොටසක් ස්ථාවරව තියෙද්දි ඒකට සපයන විදුලි සැපයුමෙන්, කිසිදු ඝට්ඨනයකින් තොරව යමක් කරකැවිය හැකියි කියන එක. මේක තනිකරම චුම්බකත්වය හා බැඳුනු දෙයක්.

මම
ඉන්ඩක්ෂන් මෝටරයේ ක්‍රියාකාරිත්වය ගැන දැන ගැනීමට කැමතියි.

නිකොලා ටෙස්ලා
ඔව් මම කැමතියි ඒ ගැන ඔබව දැනුවත් කරන්න. ඉන්ඩක්ෂන් මෝටරය කියන්නේ ඔබ මේ ජීවත් වෙන, ඔබ කියන අයුරින් 2016 වර්ෂය වෙද්දිත් පෘථිවිය පුරා බොහෝ සෙයින් එක් එක් ආකාර වලින් භාවිතා වන මෙවලමක්. සමහර විට ඔබගේ නිවසේ ඉන්ඩක්ෂන් මෝටර් යෙදූ උපකරණ කිහිපයක් තිබිය හැකියි. එකක් ඔබගේ විදුලි පංකාව, අනෙක වතුර මෝටරය, තව ඔබගේ කුස්සියේ තියෙන බ්ලෙන්ඩරය. මීට අමතරව කම්ප්‍රෙෂර්, විදුලි සෝපාන, එලවේටර්, රෝලර් ඩෝර්ස්, කොටින්ම චලිතය මගින් කාර්යයන් කරගන්නා බොහෝ යන්ත්‍ර සුත්‍ර වල ඇත්තේ අප මේ කියන ඉන්ඩක්ෂන් මෝටර් තමා. එහි ක්‍රියාකාරිත්වය පිළිබඳ සරල පැහැදිලි කිරීමක් දීමට පුළුවන්.



ඔබට දැන් පෙන්වු දර්ශන වල පරිදි, ස්ථාවර කොයිල් කොටසට, අපි කියන්නේ ඒකට ස්ටේටර් කියලා, ප්‍රත්‍යාවර්ථ ධාරාව සැපයුවාම ඒ කොටස මත චුම්බක ක්ෂේත්‍රයක් උපදිනවා. චුම්බකයක් කිව්වම අපි දන්නවා ඒකේ "N" සහ "S" කියන චුම්බක ධ්‍රැව දෙක. ස්ටේටරය තුල දැං මේ ධ්‍රැව දෙකම (Pole) ක්‍රියාත්මක වන නිසා නිදහසේ භ්‍රමනය වීම සදහා සකසා ඇති රොටර් එක, ඒ චුම්බක බලය, මත විකර්ශනයට ලක් වෙනවා. එ් කිව්වේ එක පසකට ආකර්ශනය වෙනවා. මේ හේතුව නිසා රොටර් එක භ්‍රමනයට ලක් වෙනවා ස්ටේටර් එක තුල. හැබැයි රොටර් එක දිගින් දිගටම විදුලිය සැපයුවාට පසුව භ්‍රමනය වීමට හැකි වන්නේ අප විසින් සපයනු ලබන ප්‍රත්‍යාවර්ත විදුලි ධාරාවේ ඇති සුවිශේෂි ගුණයක් නිසයි.

මම
මට හිතෙනවා ප්‍රත්‍යාවර්ත ධාරාව ගැනත් දැනගැනීමට අවශ්‍ය වෙයි කියලා.

නිකොලා ටෙස්ලා
හා හා... මම හිතුවා ඒක එහෙම වෙයි කියලා. ප්‍රශ්නයක් නැහැ. නමුත් ඔබට මම එක දෙයක් කියන්නං. ඔබ දැන් මම ගැන තොරුතුරු හැකි ප්‍රමාණයක් ගන්නේ අන්තර්ජාලයෙන් නොවැ. නමුත් ඒ තොරුතුරු ඉදිරිපත් කරන අයගෙන් 90% ක් විතරම කියන්නේ මම ප්‍රත්‍යාවර්ත ධාරාව සොයාගත් බවයි. ඒක සම්පූර්ණයෙන්ම වැරදියි. මා සොයාගත් ධාරාවක් නැහැ. නමුත් මා ප්‍රත්‍යාවර්ත ධාරාව ඇසුරේ විවිධ පර්යේෂණ සිදු කළා. ඔය ඔබ දැනටත් මා දිහා බලා සිටින්නේ ප්‍රත්‍යාවර්ත ධාරාවෙන් නිපදවුනු ආලෝයක් නැත්නම් විදුලි බුබුලක් නිසා වෙන්න ඇති. මම තමා ප්‍රත්‍යාවර්ත ධාරාව සම්ප්‍රේෂණය කරන ආකාරය මුල් වරට සොයාගත්තේ. ඒක ඇත්ත. නමුත් ප්‍රත්‍යාවර්ත ධාරාව මා සොයාගත්තා කියා තිබෙන ප්‍රකාශන සාවද්‍යයි.

හොදයි. කොපමණ හොදින් සකස් කළත්, ඉන්ඩන්ෂන් මෝටර් එකේ රොටර් එක භ්‍රමනය වීම සදහා අවශ්‍ය වන හැකියාව අපට ලැබෙන්නේ ප්‍රත්‍යාවර්ත ධාරාවේ තිබෙන ඉතා සුවිශේෂි ගුණයක් නිසයි. මම මෙහෙම කියන්නං. ඔබගේ ජීවිතය අරන් බලන්න. නැත්නං වෙනත් අයෙකුගේ ජීවිතයක් අරන් බලමුකෝ. එයා ඉපදෙනවා.. එතකොට එයා බිංදුවේ. ඔහොම කාලය ගත වෙලා එයා සාර්ථක වෙනවා උපරිම අයුරින්. අන්න එයා උඩින්ම ඉන්නවා. තව ටික දවසක් යද්ද හෙමින් සීරුවේ එයා අසාර්ථක වෙනවා. බිංදුවටම වැටෙනවා. නැහැ. මහා විශාල ණය ප්‍රමාණයක් අරගෙන එයා පතුලටම යනවා. අන්න අපි කියනවා එතකොට එයා ලිං පතුලේ කියලා. තව ටික දවසක් යද්දි හෙමින් සීරුවේ එයා ණය ගෙවාගෙන මුලටම එනවා. ඔන්න ඔය ක්‍රියාව බලන්න. නගිනවා බහිනවා. මේක තමා ප්‍රත්‍යාවර්ත ධාරාවේ සිද්ධාන්තය. ඇති නැති වෙන ආකාරය. බලන්න මේ පින්තුරය. ඒකේම තියෙනවා සරල ධාරාව කියල අපි හදුන්වන, එහෙම නැතිනම් කෝෂ මගින් නිපදවන ධාරාව ගමන් කරන ආකාරය ගැනත්.



කොළ පාටින් දැක්වෙන්නේ අපි නිවෙස් වල භාවිතා කරන ඒසී විදුලිය හැසිරෙන ආකාරය. රතු පාටින් දැක්වෙන්නෙ කෝෂ විදුලිය නැතිනම් සරල ධාරාව ගමන් කරන ආකාරය. එහි දැක්වෙන ඇති නැති වෙන ස්වභාවය නිසා තමා ස්ටේටර් එක තුල ක්ෂණිකව චුම්බක ක්ෂේත්‍රය වෙනස් වන්නේ. "N" ධ්‍රැවය තිබු තැන, ඇසිල්ලකින්, "S" ධ්‍රැවය වෙනවා. මේක ඉතා ඉක්මනින් සිද්ධ වෙනවා. ඔබ නිවසේ භාවිතා කරන විදුලියේ මෙම ඇති නැති වෙන චක්‍රය තත්පරයට 50 - 60 වාරයක වේගයකින් තමා සිද්ධ වෙන්නෙ. ඒකට අපි කියන්නේ සංඛ්ත‍යාය කියලයි. සංඛයාතය මනින්නේ Hertz (Hz) කියන ඒකකය මගින්. මෙම ඒකකය නම් කර තිබෙන්නේ, පෘථිවිය මත වාසය මා සිටී කාලයේ මගේ සමකාලිනයෙකු වෙච්චි, ජර්මානු ජාතික විද්‍යාඥයෙකු වූ හෙන්රික් රැඩොල්ෆ් හර්ට්ස් මහත්මයා සිහි වීම සදහායි. මැක්ස්වෙල් විසින්, තාර්කිකව ගොඩ නැගූ ආලෝකයේ විද්‍යුත් චුම්බකත්වය කියන අදහස මුලින්ම නිවරැදි බවට ඔප්පු කර පෙන්වුයේ හර්ට්ස් මහතායි. 

හොදයි. අන්න ඒ ධාරාවේ ස්වභාවය නිසා අපි කතා කරමින් ඉන්න ඉන්ඩක්ෂන් මෝටර් එකේ නිපදවෙන චුම්බක ක්ෂත්‍රෙය ක්ෂණිකව වෙනස් වෙනවා. මේ නිසා තමා රොටර් එක එක දිගටම වේගයෙන් කැරකෙන්නේ. ඔබට එය අර මම කලින් කිව් විඩියෝව බලල තේරුම් ගත හැකියි. සරල ධාරාවට බැහැ මේ කාර්යය කරන්න. එයා යන පාරේ ඔහේ යනවා මිසක්කා වෙන වැඩක් කරන්න බැහැ.

මම
මම අහල තියෙනවා එක එක විදියේ ඉන්ඩක්ෂන් මෝටර් තියෙනවා කියලා.

නිකොලා ටෙස්ලා
කොහොම නමුත් මුලධර්මය එකයි. ඔබට ඒ ගැන තව සොයා බැලිය හැකියි. මෙන්න මෙතැන තියෙනවා ඒ ගැන හොද විස්තරයක්. නමුත් ලෝකයේ බොහෝ කාර්යයන් ඉතා පහසුවෙන් කරගැනීම සදහා නිර්මාණය වූ විශිෂ්ඨ නිර්මාණයක් බව නම් පැහැදිලිවම කියන්න පුළුවන්. ඔබ දාඩිය දාලා ඉන්න වෙලාවටත් ඒක ඕන. වාහනේ හුලං ගියත් ඒක ඕන. ගෙදර වතුර නැති උනත් ඒක ඕන. කම්මලිකින් වැඩක් කරගන්න ගියත් ඒක ඕන. ඉන්ඩක්ෂන් මෝටර් එක නැතිව නම් ඔබට ජිවත් වෙන්න බැරි වේවි. හා හා. අමතක උනා. ලන්ඩන් වල සිටින ඔබගේ මිතුරන්ට ඕනැ නම් පුළුවන් මා විසින් මුලින්ම නිර්මාණය කළ ඉන්ඩක්ෂන් මෝටර් එකක් දැකගන්න. ඒක තියෙන්නේ, බ්‍රිතාන්‍ය විද්‍යා කෞතුකාගාරයේයි. (British Science Museum) 



මම
ඒක පැහැදිලියි. නමුත් ඔබ ඉන්ඩක්ෂන් මෝටර් එකේ පේටන්ට් බලපත්‍රය කිසිවෙකුට විකිණුවාද?

නිකොලා ටෙස්ලා
ඔව් මම ඒක මගේ ව්‍යාපාර සහකරු ජෝර්ජ් වෙස්ටිංහවුස් මහත්මයාට විකිණුවා.

මම
ඇයි ඔබ ඒක විකිණුවේ.. ඔබට තිබුනා නේ මේ මෝටරය නිෂ්පාදනය කරන්න.

නිකොලා ටෙස්ලා
ව්‍යාපාර කරන එක ව්‍යාපාර කරන අයගේ වැඩක්. මම ව්‍යාපාරිකයෙක් නොවෙයි නේ. මම කරන්නේ මගේ සිතේ ඇති වන අදහස් ක්‍රියාවට නංවල ඒකෙන් මානව සංහතියේ දියුණුව සදහා, පහසුව සදහා යම් යම් උපකරණ නිර්මාණය කිරීම. ඒකයි මගේ ජිවිතයේ මට ලැබී තියෙන ඉල්ක්කය. ඉතිං මම ඒක කරනවා. මම නිර්මාණය කරපු දේට ලබා ගත් පේටන්ට් පත්‍රය මම ඔවුන්ට විකුණනවා. ඒකේ ගැටළුවක් නැහැනේ.

මම
නැහැ මම කිව්වේ ඔබ සොයාගත් දෙය නිෂ්පාදනය කරල ඔබට පුළුවන් නේ හොද මුදලක් සොයාගන්න?

නිකොලා ටෙස්ලා
Why should I do that? ඔබට පැහැදිලි නැතිව ඇති. මගේ අභිප්‍රාය උනේ යම් නිර්මාණයක් ඉදිරිපත් කිරිම මිසක් ඒක විකුණා මුදල් සොයා ගැනීම නෙමෙයි. මම පේටන්ට් මුදලට විකුණන්නේ, එදිනෙදා මගේ ජිවන වියදම් පියවා ගැනීමටත්, මගේ පර්යේෂණාගාර පවත්වෙන යාමටත්, ඉදිරි පර්යේෂණ සදහා අමුද්‍රවය/සේවා සපයාගැනිමට අවශ්‍ය මුදලත් සොයා ගැනීමට පමණයි. මා එතැනින් මතු දෙයක් සිතා නැහැ. මම හිතන්නේ අද ගැන පමණයි. මට කවදාවත් බැහැ ව්‍යාපාරිකයෙක් වන්න. මට ඕන උනේ නව නිර්මාපකයෙක් වන්න පමණයි. ඒකයි මගේ අරමුණ. මගේ අරමුණ සදහා අවශ්‍ය මුදල තමා පේටන්ට් විකිණිමෙන් මම ලබා ගන්නේ. ව්‍යාපාරිකයන් ඉතිරි දේ කරාවි.. හා හා.

මම
ඔබ මේ ඉන්ඩක්ෂන් මෝටරය සොයාගත්තේ 1888 දීද?

නිකොලා ටෙස්ලා
මට එහි පේටන්ට් අයිතිය ලැබුනේ1888 මැයි පළවෙනිදායි. ජුලි මාසේ වෙනකොටම මම ඒක වෙස්ටිංහවුස් මහත්මයාට විකිණුවා. මං ඒ වෙනකොට හිටියේ මගේ නිව්යෝක් පිහිටි පර්යේෂණාගාරයේයි..



මම
ඔබ නිව්යෝක් ගැන කිව්වමයි මට මතක් උනේ. මට අමතක උනා නේ ඔබ ඇමරිකාවට පැමිණි ආකාරය ගැන අහන්න.

නිකොලා ටෙස්ලා
හා හා. ඒකේ ඇති ප්‍රශ්නයක් නැහැ. ඔබ මේ සාකච්ඡාව අවසන් වීමෙන් පසුව, මගෙන් කොයි තරම් දේ අහන්න බැරි උනාද කියල හිතල ලතැවෙන ප්‍රමාණය ගැන ඇත්තටම මට දුකයි.

මම
ඔබ කියන්නේ මේ සියළු කාරණා ගොනු කරගන්න මට බැහැ කියලද?

නිකොලා ටෙස්ලා
අපොයි නැහැ. නමුත් මා කියන්න කැමතියි. මේ නිකොලා ටෙස්ලා කියන නාමය ඇත්තටම එකපාරටම ලෝකෙට විවෘත උනේ 2003 වර්ෂයෙන් පසුවයි. මේ ගත වූ කාලය තුල, ඔබට ඇති තරම් නිකොලා ටෙස්ලා තැන තොරතුරු සොයාගත හැකියි. ඒකට ලොකුම බලපැම ඇති උනේ ටෙස්ලා මෝටර්ස් හරහා කියලයි මගේ විශ්වාසය. එතෙක් විදුලි ක්ෂේත්‍රෙය් සුළුතරයක් හැර අනෙක් අය නිකොලා ටෙස්ලා ගැන දැන සිටියේ නැහැ. ටෙස්ලා මෝටර්ස් හරහා මොකක්ද මේ ටෙස්ලා ටෙස්ලා කියන දේ ගැන මිනිස්සු හොයන්න පෙළඹුනා. තවත් හේතුවක් තියෙනවා. එනම් පෘථිවිය මත මත මා ඉපදුනු ජුලි 10 දිනය, 2002 දී එක්සත් ජාතින්ගේ සංවිධානය විසින් ජාත්‍යන්තර නිකොලා ටෙස්ලා දිනය විදියට නම් කිරීමයි. මා සිටි කාලයේදී පිස්සෙකු, විකාරකාරයෙකු විදියට ප්‍රචලිත වූ මගේ නමත්, මගේ නිර්මාණත් ලෝකය වෙනස් කිරිම සදහා එහෙම නැත්නම් මනුෂ්‍ය වර්ගයා ගේ යහපත වෙනුවෙන් කටයුතු කලාය කියන හැගීම ජාත්‍යන්තර වශයෙන් යහපත්ප්‍ ලෙස ප්‍රචාරනය වීමට මෙම හේතු බලපාන්න ඇති කියල කිව හැකියි.

මම
ඔබගේ ඇමරිකානු ජීවිතය ගැන දැනගැනීමට කැමතියි. ඔබ ඒකට කැමති නැද්ද?

නිකොලා ටෙස්ලා
හා හා. මොකද නැත්තේ මම කැමැත්තෙන් උත්තර දෙන්නං. මට තත්පරයක් දෙන්න. මොකද මේ මගෙ අවකාශිත විදුලි පහණ දැන් දිප්තිය අඩු වෙලා. මට පේන්නේ පෘථිවිය මා සිටි කාලයට වඩා බොහෝ සෙයින් දුර්වල වෙලා වගෙයි.. හා හා.. ටිකක් ඉන්න... අපි ඒක හදා ගනිමු.