නිකොලා ටෙස්ලා - හැඳින්වීම
අපි පහුගිය හැඳින්වීම වෙලාවේ නැවැත්තුවේ ඔහේලට Tesla කියල ගූගල් කරල බලන්න කියල නේ.. කිව්වත් වගේ කීප දෙනෙක්ම ඒක කරල උත්තරය දීල තිබුනා. ටෙස්ලා කියල හෙව්වම මුලින්ම එන්නේ වර්තමාන ලෝකයේ මෑඩ් සයන්ටිස්ට් ලෙස හදුන්වන එලොන් මුස්ක් හට අයිත් කැලිෆෝනියා තම මුලස්ථානය කරගත්ත Tesla Motors ආයතනය තමා. හැබැයි ඒකේ විශේෂත්වයක් තියෙනවා ඒ ටෙස්ලා හා මේ ටෙස්ලා යන නම් දෙකම එකම අරමුණ වෙනුවෙන් තිබුනට, ඒ කිව්වේ ටෙස්ලා කියන නාමය වෙනුවෙන් පෙනී සිටියට, හැබෑටම වෙලා තියෙන්නේ ඔරිජිනල් ටෙස්ලා යට ගිහිල්ලා මුස්ක්ගේ ටෙස්ලා සර්ච් එන්ජින් වල උඩට ඒමයි. ඒකේ මම දකින වැරැද්දක් නැහැ. මොකද එලොන් මුස්ක් තමන්ගේ කම්පැනියේ නමට කවදාවත් අහල නැති ටෙස්ලද කව්ද නමක් දාලා තියෙන්නේ කියල මිනිස්සු හිතන්න පෙළඹෙනවා. විසි එක් වෙනි ශත වර්ෂයේදි ටෙස්ලා නාමය ප්රචලිත කිරීමට අති දැවැන්ත ව්යාපාරයක් වන ටෙස්ලා කොම්පැනියෙන් ලැබෙන සහාය උපරිමයි. ඔනන් ටෙස්ලා බැටරියකුත් අපේ රසිකල ඉන්න පලාතට හදුන්වා දෙනවා මේ අවුරුද්දේ. මුස්ක්ගේ කම්පැනියේ නම ටෙස්ලා වීමත් වැදගත් කතාවක්.
අපි පහුගිය හැඳින්වීම වෙලාවේ නැවැත්තුවේ ඔහේලට Tesla කියල ගූගල් කරල බලන්න කියල නේ.. කිව්වත් වගේ කීප දෙනෙක්ම ඒක කරල උත්තරය දීල තිබුනා. ටෙස්ලා කියල හෙව්වම මුලින්ම එන්නේ වර්තමාන ලෝකයේ මෑඩ් සයන්ටිස්ට් ලෙස හදුන්වන එලොන් මුස්ක් හට අයිත් කැලිෆෝනියා තම මුලස්ථානය කරගත්ත Tesla Motors ආයතනය තමා. හැබැයි ඒකේ විශේෂත්වයක් තියෙනවා ඒ ටෙස්ලා හා මේ ටෙස්ලා යන නම් දෙකම එකම අරමුණ වෙනුවෙන් තිබුනට, ඒ කිව්වේ ටෙස්ලා කියන නාමය වෙනුවෙන් පෙනී සිටියට, හැබෑටම වෙලා තියෙන්නේ ඔරිජිනල් ටෙස්ලා යට ගිහිල්ලා මුස්ක්ගේ ටෙස්ලා සර්ච් එන්ජින් වල උඩට ඒමයි. ඒකේ මම දකින වැරැද්දක් නැහැ. මොකද එලොන් මුස්ක් තමන්ගේ කම්පැනියේ නමට කවදාවත් අහල නැති ටෙස්ලද කව්ද නමක් දාලා තියෙන්නේ කියල මිනිස්සු හිතන්න පෙළඹෙනවා. විසි එක් වෙනි ශත වර්ෂයේදි ටෙස්ලා නාමය ප්රචලිත කිරීමට අති දැවැන්ත ව්යාපාරයක් වන ටෙස්ලා කොම්පැනියෙන් ලැබෙන සහාය උපරිමයි. ඔනන් ටෙස්ලා බැටරියකුත් අපේ රසිකල ඉන්න පලාතට හදුන්වා දෙනවා මේ අවුරුද්දේ. මුස්ක්ගේ කම්පැනියේ නම ටෙස්ලා වීමත් වැදගත් කතාවක්.
2003 වර්ෂයේදි පටන් ගත්ත ටෙස්ලා මෝටර්ස් සමාගම ආරම්භකයා එලෝන් මුස්ක් නෙමෙයි. නමුත් එහි ආරම්භකයන් විසින් සමාගමේ නමට මයිකල් ෆැරඩේ හෝ නිකොලා ටෙස්ලා යන නාමය යෝජනා කර තිබුනේ ඒ නම් දෙකෙන් හැදින්වුන විශිෂ්ටයන් දෙදෙනාට ගෞරවයක් ලෙසයි. අවසානයේ විශිෂ්ටතමයා නොහොත් වඩාත් ගෞරවය පිදිය යුත්තේ නිකොලා ටෙස්ලාට බව ඔවුන් තීරණය කිරීමෙන් පසුව ටෙස්ලා මෝටර්ස් ලෙස එම සමාගම නම් කලා. ඊට පසුවයි එලෝන් මුස්ක් මෙම සමාගම මිලදී ගත්තේ. (එලෝන් මුස්ක් = ඉලෝන් මුස්ක්, ඔහු 21 වෙනි ශත වරුසෙට ගැලපෙන අදහස් තියෙන කෙනෙක් නෙමෙයි.. මොකද ටෙස්ලා විසි වෙනි ශත වර්ෂෙට ගැලපෙන අදහස් තියෙන කෙනෙකුත් නෙමෙයි නේ)
ඒ සම්බන්ධය අපි දැං ඉවර කරල දාමුකෝ.. බැහැ එහෙමත් බැහැ. මුස්ක් කියන්නේ ටෙස්ලා කෙරෙහි දැඩි ගෞරවයක් ඇති කෙනෙක්. පසුව සාකච්ඡා කරනු ලබන ටෙස්ලාගේ විශිෂ්ටතම නිර්මාණය වීමට ඉඩ තිබූ පර්යේෂණ භූමිය සංවර්ධනය සදහා මේ මෑතකදි මුස්ක් මහත්තයා ඩොලර් මිලියනයක් පරිත්යාග කර තිබෙන බවත් සදහන් කරන්නේ මේවා මතක තියාගන්න කියල කියන්නයි. (එලොන් මුස්ක් ගැන නොදන්නා අය ටෙස්ලා මෝටර්ස් හරහා ගොස් හෝ දැන කියා ගන්නවා නං බෝම හොදයි)
හැඳින්වීම වෙලාවෙදි මං කිව්වා නේ ටෙස්ලා ඉපදුනේ 1856 කියලා. හැබැයි ඒ වෙලාවේදි මං කිව්වේ නැහැ කොහේද ඉපදුනේ කියලා. ඒක කියන එකත් අමුතුයි. එවකට ඔස්ට්රියන් හංගේරියන් දේශ සීමාවට ආසන්න ලිකා(Lika) ග්රාමයේ, ස්මිල්ජාන් කියන පළාතේ තමා ටෙස්ලා ඉපදුනේ. හැබැයි ඒක ටික කාලයක් යන කොට යුගොස්ලෝවියාව උනා. දැන් නං හඳුන්වන්නේ ක්රොඒෂියාව විදියටයි. කොහොම උනත් ටෙස්ලාගේ දෙමාපියන් සර්බියන් වැසියන් වූ නිසාම ටෙස්ලාත් උපතින් සර්බියානුවෙක්.
කොහේද යන්නේ මල්ලේ පොල් වගේ නේද?? ඔව්.. ටෙස්ලා ගැන පර්යේෂණයක් කරනව නං මේ හැම දෙයක් ගැනම ලොකු දැනුමක් ගන්න වෙනවා. පුද්ගලිකව මම හිතන දෙයක් තමා නිකොලා ටෙස්ලා කියන්නේ කුඩා කාලේ ඉදලම අමුතු කෙනෙක් කියලා. එහෙම කියන්නේ තමන්ගේ චරිතාපදානය ලියපු වෙලාවේ ටෙස්ලාම කියනවා තමන්ගේ මේ හැසිරීම් වර්ධනය වීමට තමන්ගේ ලමා කාලයේ ලැබු අත්දැකීම් වැදගත් උනාය කියලා. අපි බලමු ටෙස්ලා තමන් ගැන කියන විදිය. මම කියවපු ඒ පොතේ ටෙස්ලා ගැන දැනගැනීමට ඇති හොදම හා වැදගත්ම කොටස මේක කියලයි මට හිතුනේ. මොකද සිහින දකින්නෙකුගේ හා සාමාන්ය නවනිර්මාණ කරුවෙකු අතර වෙනස ඉතා පැහැදිලිවම මෙතනදි දැක ගන්න පුලුවන්.
“මගේ ක්රමය වෙනස්.. හිතුන ගමන් වැඩේ කරන්න යන්නෙ නැහැ. මට යම් අදහසක් හිතන ආපු සැනින්, මම එය හිතින් ගොඩ නගනවා. එහි වෙනස්කම් කරනවා. වැඩිදියුණු කිරීම් කරලා, මගේ මනසින්ම මම ඒ යන්ත්රය ක්රියාත්මක කරනවා. මට එතැනදි මගේ යන්ත්රය හිතින් දුවනවාද නැත්නං මගේ පර්යේණාගාරය තුල දුවවනවද යන්න ගැටලුවක් නෙමෙයි. ඒ යන්ත්රය ක්රියා කිරීමේදි යම් අඩුවක් ඇතිනම් ඒකත් මට හදුනා ගත හැකියි. ඒ වගේ මම හිතින් හදපු යන්ත්රයයි, මගේ අවසාන භෞතික ප්රථිපලයයි අතර කිසිම වෙනසක් සිදු වන්නේ නැහැ. මේ ක්රමයට මට ඉතාම ඉක්මනින් කිසිදු යාන්ත්රික මෙවලමක් භාවිතයෙන් තොරවම පරිපුර්ණ යන්ත්රයක් තැනීමේ හැකියාවක් තියෙනවා. ඒ වගේ ඕනැම නව යන්ත්රයක් මම අවසානය කරාම සිතින් ගොඩ නගද්දි එහි තව උවමනා වැඩිදියුණු කිරීම් කරන්න තියේනම් කිසිම දෝෂයක් ඇති නොවන පරිදි ඒවා වෙනස් කරන්නත් පුලුවන්. මෙන්න මේ සිතින් වැඩි දියුණු කරපු අවසානම ක්රියාකාරි යන්ත්රය මගේ මොළය තුල ක්රියා කළ ආකාරයටම, කිසිම වෙනසක් නැතිව භෞතිකව නිර්මාණය කිරීමේදි මට මොනම ගැටලුවක් වත් මතු වන්නේ නැහැ. ක්රියාකාරිත්වය ඒ ආකාරමයි. මම කරපු අත්හදාබැලීම් පවා ඒ යන්ත්රය සම්බන්ධයෙන් සිදු කරන්න වෙන්නෙ මා සිතු ආකාරයටම තමා. අවුරුදු විස්සක් තිස්සේම මේ ක්රමයෙන් බාහිරව මම කටයුතු කරල නැහැ. ඉතිං වෙන ක්රමයක් මොටද? ඉතිං මේ වගේ වැඩ වලදි මුදල්, ශක්තිය, වෙලාව එක එක අත්හදාබැලීම් වලට අසීමිතව යොදවන්න මට සිද්ධ වෙන්නේ නැහැ.“
ටෙස්ලා තමන් ගැන කියපු දේ වලින් මට ඔහුගේ මනසේ විචිත්රත්වය කොපමණදැයි තේරුම් ගැනීමට මෙන්න මේ ජේදය පමණක් ප්රමාණවත්.
කුඩා කාලයේ පටන්ම ටෙස්ලාට, සාමාන්ය මනුෂයෙකුට නොමැති තරමේ දෘෂ්ඨි රසයක්(ඈ. ලව්පුසා) නෑ නෑ හොද ඇස් පෙනීමක් හා කන් ඇසීමේ අපුරු හැකියාවක් තිබු බව කියන්න පුලුවනි. ඉතා ප්රසිද්ධ කරුණක් තමා ගොඩනැගිල්ලක කාමර තුනක් එහායින් තියෙන බිත්ති ඔරලෝසුවට ටික් ටික් හඩ උනත් පැහැදිලිව ඇසීමේ හැකියාවක් ටෙස්ලාට තිබූ බව. තව වාෂ්ප එන්ජිමක් හැතපුම් තිහ හතලිහක් ඈතින් එනකොට ටෙස්ලට ඇහෙනවා. තමන් දකින ඕනම දෙයක්, මෙන්න මේකයි කියල සංවේදනය වෙච්චි ගමන් ඒ දේ ටෙස්ලගේ මනසේ තමන් ඒක දැකපු ආකාරයටම විද්යාමාන වෙනවා. මේ තත්වය ඉතාමත් නරක විදියට ටෙස්ලට කරදරයක් උනා කියල එයා කියන්නේ මේ වගේ හිතන හැම දෙයක්ම එහි නාමය සිහියට නැගුණු සැනින්, එහි රෑපයක් නිතැනික්ම ඔහුගේ මනසේ පිළීබිඹු වෙන්න ගන්න එකයි. බෝම අමාරුවෙන් වසර ගානක් මහන්සි වෙලා මේ හිත ඇතුලේ දෘෂ්යමාන වන පින්තුර හිතෙන් පලවා හරින්න ටෙස්ලා සමත් වෙලා තියෙනවා. අන්න ඒ වගේ හේතුන් නිසා ටෙස්ලාගේ සිතිමේ ශක්තිය රිසිසේ වැඩුනු බවයි ඔහු නම් කියන්නේ.
ඉතිං ටෙස්ලා පුතා මොකද කරන්නෙ කියල අපි ලබන සතියෙදි බලමු..
