බ්ලුක්ස් හා නෝනා මහත්වරු!!

අපේ එක්කෙනෙක් හිටියා නක්සත්‍රය අනුවම වැඩකටයුතු කරන. එයාට පොඩි කාලේම එහෙම කෙනෙක් කියල තිබුනලු “මේ කොලුවා ලෝකේ වටේ සවාරියකුත් යාවි.. පොතකුත් ලියාවි“ කියලා.. ඒ කිව්වත් වගේ මේ හාදයා ඒ දෙකම කරගත්ත බව නං ආරංචියි. ඒ මදිවට එකට දෙකක් වෙන්න තව පොතක් ලියනවයි කියලත් හාහුවක් යනවා. හැබෑටම මක්කටද මේ පොත් ලියන්නේ. අපි දන්න කියන ලේඛකයෝ ඔක්කෝම පොත් ලියනවා. එහෙනං අහවල් එකටද මේ බ්ලොග් වල ඉන්න ඈයෝ ඒවයේ ලියන තුණ්ඩු ටික එකතු කරගෙන පොත් ගහන්නේ.. මට නං තේරෙන්නේ නෑ මේවා.

හොදා. බ්ලොග් ලියනවයි කියමුකෝ. පොතුත් ලියනවා කියමුකෝ.. බ්ලොග් වල ඉන්න කී දෙනෙක් පොත් ලියල තියේද කියල හරියටම කියන්න පුළුවන්ද? මට නං බෑ.. මං දන්නෙත් නෑ ඒවයේ ගණං හිලව්. නීට්ටැවන් හීනෙන් පේන පුද්ගලයෙකුගේ පොතක් සිංහලෙන් පළ කරන්න තව කෙනෙක් දත කනවය කියලත් ආරංචි ලැබිල අවුරුදු දෙකක් විතර වෙනවා මයේ හිතේ. තාම පිට කවරේ ඉවර කරගන්න බැරිද දන්නෑ. 

කොහොම උනත් මෙන්න මගේ සත පහ.. මම දන්නා තරමින් අන්තර්ජාලේ සැරි සරමින් පොත් ලියපු අයගේ ලැයිස්තුව. මේකේ ගොඩාක් අඩුපාඩු තියෙන නිසා ඔය නෝනා මහත්වරුන්ගේ උදව් අවශ්‍යයි මේ ලැයිස්තුව පුර්ණ ලැයිස්තුවක් කරගන්න. තව එකක් තියෙනවා.. අර රසික කියලා දැං මානව කියල බ්ලොග් ලියන මහත්තයා වගේ අය නං පොත් ලියල බ්ලොග් වලට ආපු අය. නොකී කතාත් එහෙමයි. මම නං හිතන්නේ ඒක හොද ප්‍රවණතාවයක්. 

තම තමන් දන්නා අන්තර්ජාල සම්බන්ධයක් ඇති අයගේ පොත්පත් සම්බන්ධ තොරුතුරු එක් තැනකට එක් රැස් කිරීමට මං මීට කලින් මුණුපොතේදි මහා ව්‍යාපාරයක් ආරම්භ කලා. ඒත් මගේම කරුමෙට ඒක යාවත්කේකාලිනව පවත්වාගෙන යාමේ තාක්ෂණික දැනුම මද කම නිසා වැඩේ අතරමගම හබක් උනා. එහෙනං හැමෝම හොද අත්පුඩියක් ගහල වැඩේට එන්ටර් වෙමු.. 

මම මිලදී ගත් අනුපිළිවෙල අනුව මුල් පොත් කිහිපය පෙලගස්වා තියෙන්නේ. 

• හකාවතී - ප්‍රීති ඩෝසන් - වචන ටැක්සි
• තිලක සිත - තිලකසිරි ඒකනායක - තිලකසිත බ්ලොගය
• කවියක් බිමින් තබමි - ප්‍රසාද් වීරසිංහ - සඳ පහන
• තරු ඇස් රහස් - තරංගනි රෙසිකා ප්‍රනාන්දු - තරු රසී බ්ලොගය
• මේ නිහඩ වෙරළට එන්න - මාලතී කල්පනා ඇම්බ්‍රොස් - බූන්දි
• තෙත සුළං අහුරක් - තනුජා ලුම්බිණි - ෆේස්බුක් පිටුව

ඊට පස්සේ මෙන්න මේ ටික මං ගාව නැති මං දන්න ඒවා

• සිව් වසරක් මරදානේ - රසික සුරියආරච්චි (රසිකොලොජිස්ට්)
• ඉතා කෙටි කලබල සිහින - යශෝධා සම්මානි (බස්සිගේ නවාතැන)
• ශාස්තෘ - අජිත් පැරකුම් ජයසිංහ (W3lanka)
• අාලවක ආලිංගන - චමින්ද ප්‍රදීප් සිල්වා ගුණරත්න
• පොල්කට්ටෙන් එපිටට  - අජිත් ධර්මකීර්ති (කොළඹ ගමයා)
• සමනලයා මියෙද්දෙන් - දිනේෂ් උමගිලිය (වර්ණ අඩවිය)

* රතු පාට එ්වා බ්ලුක් නෙමෙයි නෙහ්..

ඉතිරි ටික සම්පුර්ණ කරමු නේද? මේ විස්තර එක තැනක ගොඩ ගහන්න වෙන ක්‍රමයක් යොදා ගත හැකි අයෙකු සිටීනම් එය මීට වඩා වටිනවා..

හැබැයි එකක් කියන්න ඕන.. නොකී කතා (හෙන්රි වර්ණකුලසූරිය), ටිම්රාන් කීර්ති, ජගත් ජේ එදිරිසිංහ (මානව අඩවිය), වෛද්‍ය රුවන් එම් වීරතුංග (ට්‍රාන්සිල්වේනියා) වැනි අය පොත් ලියමින් සමාජ ජාල අඩවි වල හිටියත්, එ අඩවි වලින් ගෙන පල කළ බ්ලුක්ස් නැති බවයි මම හිතන්නේ.. මංජුල වෙඩිවර්ධන මෙතැනදි මම අමතක කරා. 

පලි - සංකිර්ණ වැඩක් වෙයිද මන්දා???