ෆොටෝ කෑල්ලට අඩන ලපයි සිපයි!!!

නිහඩව හිටියා නොව මාගේ වැඩක් කොරගන්නට දුන්න ඇද්දා පමණි. හුටා. මාරයා ඒකට කෙලියේය...

මාරයා නොහොත් මාගේ ද මාර පුත්තරයා වන මාරයාගේ හෝරාව නොහොත් මාගේ පට්ට ආදරණීයම බ්ලොග් කරුවා ලියන්නේ කෙප්ප බව දැන් ඕන කෙනෙකුට පැහැදිලි වී ඇතැයි සිතමි...... හෝව් හෝව්... කරුණාකර ඔබ එහෙම හිතනවානං වැරදි බව කිව යුතුයි... මාරයා අවංකවම පට්ට අව්‍යාජ පුද්ගලයෙකි, ඔහුට ප්‍රකාශ කිරීමට ඇති දේ ඔහු ඒ විදියටම කියයි.. ඒ නිසයි මං ඔහුට පට්ට ආදරේ.. හැබැයි මා ඔහු දකින්නේද ආදරය කරන්නේද ඔය කෙප්ප කෙලින බලගයේදීම පමණි.

මතු පරම්පරා හතක් වුවද බ්ලොග් ලෝකයේ ඇති වූ මහා කැලඹිල්ල මොකක්ද කියා ඇසුවොත් අනිවා දෙන්න වන පිළිතුර වන්නේ මාරයගේ හොර පෝස්ට්කටුව බවයි.

ඒ මතින් පැන ගොසින් සියළුම අන්තගාමි බ්ලොග්කරුවන්, බලන්නන් , ඇතුළු එක් අයෙකු හෝ දෙදෙනෙකු ඇර උපරිමෙන්ම අන්තය සොයා ගියාහු වෙති. ඒ ගැන ඇත්තේ කනගාටුවක් හා අනුකම්පාවක් පමණි.. 

මා කුදලා ගෙන හිටියේ කියන්න දෙයක් නැතිව බව බොහෝ දෙනෙකු සිතුවද එය වැරදි බව මේ අවස්ථාවේ සදහන් කළ යුතුය. මාගේ අවශ්‍ය රාජකාරි කිහිපයක් සදහා මේ බ්ලොග් කෙරුවාව බාධාවක් ව පැවති හෙයින්, සති දෙක තුනකට මේ පැත්තේ පස් නොපාගන්න හිටිය බව කිහිප දෙනෙකු දන්නවා ඇති මුත්, එය දැන ගැනීමට පහසු වන පරිදි මාගේ අවසාන පෝස්ට්කටුවේදි ඒ ගැන පොඩි ජැක් කෑල්ලක් ගසා ඇත. දැක්කේ නැති එකෙක් ඉන්නවා නං කණ්නාඩි රැගෙන ගොස් බැලිය යුතුයි..

අත්‍යාවශ්‍ය කරුණකදීවත් මේ මාරයා මා හට නිදහසේ විසුමට ඉඩ කඩ නොදීම පිළිබදව එතුමා මා හට ලබා දීමට පොරොන්දු වූ දඩුවමම ලබා දෙන්න හිතා ගත්තෙමි. එනම් උගේ පස්ස මසා හැකි තරම් අරළු පෙති බීමට දීමයි..

හරි... අන්තගාමියෝ...සියළු දෙනාම මෙලෝ රහක් නැතිව තම තමන්ගේ පුරාජේරු කියවමින් සත්‍යය විකෘති කරමින්, විවාද කරගත්තෝ වෙති. එක් අයෙකුට තවත් අයෙකු නොදෙවෙනි ලෙසින් විවාදයට හපන් මේ අන්තවාදියෝ තමන්ගේ රෙද්ද පල්ලෙන් වැටෙන දේ ගැන නොතැකූහ. ඒ පිළිබදව අමාරුවෙන් හෝ බලා හිටි මා හට ඇත්තටම අනුකම්පාවක් ඇති විය. මේ හොර කේස් එකේදී උත්තර නොදී පලා ගියවුන්, පැත්ත පළාතේ නාපු ඈයෝ නිවටයන් ලෙස සලකනු ලැබූහ. 

එසේ වුවද ඉන් මතුව ඇති වූ සංවාද කිහිපයකදීම (පෝස්ට්කටු කිහිපයක්) එකිනෙකා දැඩිව වාද විවාද කළහ. එහෙත් මේ එක බයියෙක්වත් වාද කරන්නට දන්නේ නැති බව ඉදුරාම කිව හැකිය. වාද කිරීම යනු වාදය පටලවා ගැනීමත්, ඒ මත කරුණු කීමත් පමණක් නොව, අශ්ශිල වචනයෙන් බැන වැදීමත් පෞද්ගලික දේ ගෙන එය දඩුමුගුරු ලෙස භාවිතා කිරීමත්, දුෂ්ඨ සහගතව පෞද්ගලික අඩුපාඩු කතා කිරීමත්, පොඩි ඈයෝ මෙන් හැම තැනම බොරුවට ඇමිනෙන්න යාමත් විවාදයක් යැයි මේ ගොබ්බයන් සිතා ඒ අනුව ක්‍රියා කළහ. කෙනෙකුගේ සිත පීඩා කිරීම, පිළිකුල් සහගත වචන භාවිතය, ද්වේශ සහගත මඩ ප්‍රහාර එල්ල කර ගැනීම විවාදයක් වන්නේ නම්, ඔබද අනෙක් සියළු බොරු විවාද කරුවන් මෙන්ම මෝඩ චූන්කාරයන් වූ බව නොකියාම බැරිය. කෙනෙකුගේ සිත් රිදවා, පුද්ගලිකව මඩ ප්‍රහාර එල්ල කොට කරනු ලබන විවාදයක රසය ගැන පෞද්ගලිකව මා කනගාටු වෙමි. සිත් තැවුලට පත් සැවොම තම තමන්ගේ සිත් රිදවා ගැනීම උදෙසා ඉතා බිහිසුනු අමනොඥ වචන භාවිතා කළහ. ඔබද පඩ ෂෝ විවාද කාරයෙකු වන බව පුන පුනා ප්‍රකාශ කළාහු වෙති.

දැං මොකක්ද ඔය සිද්ධිය.... පොටෝ කෑලි තුනක්.. ඔබ ඒ පොටෝ කෑලි තුන දිහා බැලුවාද? ඔබ දුටුවේ කුමක්ද?

මා නම් දැක්කේ මෙපමණකි.

දරුවෙකු බංකරයක බංකුවක වාඩි වී බිස්කට් එකක් කන බව

දෙවන පොටෝවද එයමය

තෙවන පොටෝව එම දරුවා ඒ ආකාරයෙන්ම වෙඩි තබා ඝාතකය කර ඇති ආකාරය

ඒ ටික පේනවාද කියා ඔබම බලාගන්න.. මම  නම් දුටුවෙමි.

ප්‍රභාගේ පුතා... කව්ද කිව්වේ.. මට ඇහුනා..කව්ද කියනවා

හරි අමතක කරන්න සමහර විට එයාගේ පුතා වෙන්නත් හැකියි. මේ පොටෝ හදපුවා වෙන්නත් ඉඩ තියෙනවා..

ආ.. ඔව්... තව එකක්...දරුවෝ ඉන්නවද නැත්ද කියන එක අදාළ නෑ.. ඒවටත් ඔය ගොබ්බයෝ හෑලි කියල තිබ්බා.. ඒවා වැරදියි..

හරි... මම අර බොරු හෝ ඇත්ත පින්තූර ටිකෙන් දැක්ක එකම දේ දරුවෙකු ඝාතනය කිරීමක පින්තුර කතාවයි.. ඔබ එය දුටුවේ නැත්නං පොටෝ තුන අරගෙන බලන්න.. හැබැයි පුතේ ඔය පොටෝ වලට අර්ථකතන දෙන්න ලෝකේම ඒකේ එල්ලගෙන දුවන්න කෑගහන්න එපා..

රායිටෝ.. ඔන්න මං දැක්ක දේ කිව්ව නේ.. මම අමු හෙළුවෙන් ඒක දිහා බැලුවම මම දැක්කේ සැක්... පොඩි කොල්ලෙක් මරා දාලා නෙව... අමු අමුවේ..

මට ඒක පෙනුනේ මම මේ ලෝකේ ඉපදිලා, ජීවත්වෙලා, ඉගෙන ගෙන තියෙන ඔය සාමාන්‍ය බඩකඩුත්තු ටිකෙන් තමා. මොකෝ මම මහ ලොකු ප්‍රාඥයෙක් නෙමෙයි නේ.. ඒ අනුව මගේ සංවේදනයෙන් කියන්නේ ඒක අපරාදයක්.. දරුවෙක් වෙඩි තියල මරන එක අපරාදයක්..

එච්චරයි.. බොලාට අවශ්‍ය නං ඕකට සුකුරුත්තං, ඕන දෙයක් එල්ලගෙන කතා කරපල්ලා. මට කමක් නෑ.. ඕං මම දැක්ක දේ කිව්වා. එතැනින් එහාට මම කිසිම දෙයක් දන්නෙත් නෑ. දැක්කෙත් නෑ.. හරිම සරලයි. පින්තූර කතාවක්.. හැබැයි එකක්.. ඉපදිච්ච දවසේ ඉදලා මනුස්සකම වැඩ කරන නහරේ ඔළුවෙන් අයින් කරල නං කොරන්න දෙයක් නෑ.. 

ආයිත් කියන්න ඕන මේක එකම සමාජයක්.. අපි මිතුරන් සේ තම තමන්ගේ බ්ලොග් වල හොද උනත් නරක උනත් ඒවා බල බල අනේ සෝක් කතාව කිය කිය ඉන්න උන්. ඉතිං ඒ පරතරය තියාගන්න හොදම දේ තමා, තම තමන් අනෙක් අයට ඔය හොර කේස් එකේදි අශ්ශිල විදියට කතා කරපු කැත වචන ටික ඇදල ගන්න එක.. ඒක සෞඛ්‍යයට හිතකරයි. හිතත් පිරිසිදුයි.. ඔව් ඇදල ගන්න බැරිනං කොරන්න තියෙන එකම දෙයයි.. මේ මාරයාගේ හොර කේස් හින්දා උඹලට හිත් රිදෙන දේවල් කිව්ව එකට සමාවෙන්නෙයි කියල ප්‍රසිද්ධීයේ තම තමන්ගේ මගුල් වල ලියා එල්ල ගන්න එකයි.. මට නං කොහොමත් එකයි. වැදගත් නැති දේ කෙලින්ම මොලේ තියෙන රිසයිකල් බින් එකට දානවා..  එහෙනං බ්ලොග් ලොව බොග නොකර තම තමන්ගේ මගුලක් ලියා ගනිල්ලා.. මම යනවා...